الهيـــــــــــــلا *** منتدى قبيلة عتيبة
صفحة 1 من 4 1 23 الأخيرة »
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   قــحــطــان الــعــريــضــة قــصـّرت ميــر ما ودي ألــعــنــها ( الزلامي × القرقاح) (http://www.otaibah.net/m/showthread.php?t=76433)

قادح شرار 17-Aug-2008 02:13 PM
قــحــطــان الــعــريــضــة قــصـّرت ميــر ما ودي ألــعــنــها ( الزلامي × القرقاح)
 
.
.
.
.
.
.
.
.

من جديد .

يا مرحبا بأعضاء وزوار منتدى قبيلة عتيبه الهيـــــــلا ..

كما عودناكم بقوة الطرح والمصداقية فالنقل , ها نحن مرة أخرى أتينا بموضوع مصقول بالذهب , موضوع ناقش ما يدور في خواطر البعض , وموضوع أيضا ً أتى ردا ً قويا ً على من شاع بأعتزال الشاعر الكبير فلاح القرقاح .

هي محاورة حصلت بعد إنتهاء شاعر المعنى بعدة أيام .

ودارت هاذي المحاورة بين كبير الشعراء / رشيد الزلامي , والشاعر الكبير / فلاح القرقاح .

أترككم مع المحاورة :


الزلامي :
سلام الله على أهل الحفل والجمهور والقرقاح = ومن يسمع من الشعّار ياخذ وزعته منها
رمينا لين فرغـّنا الحِزم مير الهدف ما طاح = يبا ينشدني القرقاح عنها وأنشده عنها

القرقاح :
هلا يا مرحبابك عند قوم ٍ زندهم قدّاح = يا راع السلعة اللي جات عند اللي يثمنها
ترا باب الحديد مقفل ٍ بالقفل والمفتاح = تدوّر حاجتك تسعين ليلة ما تِعيّـنها

الزلامي :
لا تحزن يا ولد قحطان ياما جاء وياما راح = بوابير العجم وسط البحر خربت مكاينها
بعد بكرة يجيك العلم من جمعية الأصلاح = وهاذيك العلوم أحفر لها فالأرض وأدفنها

القرقاح :
ألا يا صاحبي يا مبعد المسرى من المسراح = زهمنا العود وأثر العود لا يامر ولا ينها
ركزت الوكر للشبوط واللي مخلبه جرّاح = عليه الناس عند أتفه سبب تفقد توازنها

الزلامي :
أنا والله بصفك مير صار العلم زرق رماح = وقحطان العريضة قصّرت ما ودي ألعنها
ألا يا كثر ما تِخطب هنوف ٍ زينها ذبّـاح = لكن الله عطى واحد من الناس وتحضـّنها

القرقاح :
حما يا عزوتي لا صار فالميدان ضرب سلاح = عملنا ما عملنا والذخاير في مخازنها
ملامتها على اللي لا ذخر سيف ٍ ولا مسباح = تحسبنك نصرت طيور شلوى وأنت غابنها


الزلامي :
أنا خابرك رجل الغبة اللي تتعب السبـّاح = لكن أقفيت عنـّا تمشط اللحية وتدهنها
على شانك تفاهمنا مع الطيّار والملاح = وقلنا رح يسار القوم وأزهل عندي أيمنها

القرقاح :
أشوف عيونكم جعله يكحلها الرمد طفـّاح = وخُطرّكم علي من مدة أدنى ما يشينها


أنتهت المحاورة ....

انتظرونا فالمرة القادمة ... ... ... ... ... ... ... ... ... ... ...

النايف 1 17-Aug-2008 02:23 PM
الله الله

سلام الله على أهل الحفل والجمهور والقرقاح
ومن يسمع من الشعّار ياخذ وزعتـه منهـا
رمينا لين فرغّنا الحِزم مير الهدف ما طـاح
يبا ينشدني القرقاح عنهـا وأنشـده عنهـا



الله يبيض وجهك على هالشعر الصح والمحاوره الصح


ولاهنت وفي انتظار جديدك

/عبد العزيز الجذع/ 17-Aug-2008 02:27 PM
الله الله الله.

محاورة قوية من شاعرين كبيرين.

صحت السنتهم.

والف الف شكر يا قادح شرار.((وينك مبطين عنك))

ويالله ياعضاء المنتدى حللو المعنى:):)

محمد العتيبي 17-Aug-2008 04:07 PM
ياسلام محاوره ممتعه من شاعرين قديرين وعمالقه ..

صح لسان ابو جميل .. صح لسان ابومحمد

تحيتي لك ياقادح ..
...

مرزوق حمدان العتيبي 17-Aug-2008 04:23 PM
..
مانقول غار بيض الله وجهك يالثبيتي
..
فعلا محاوره من العيار الثقيل واتضحت من خلالها امور لا يجهلها المتمرس
في شعر القلطه .
دمت بخير ..

عبدالرحمن الهيلوم 17-Aug-2008 04:33 PM
الله الله الله.

محاورة قوية من شاعرين كبيرين.

صحت السنتهم.

والف الف شكر يا قادح شرار.((وينك مبطين عنك))

ابو براك 17-Aug-2008 05:12 PM
مشكور على المحاوره الرائعه

ومعناها يدور حول شاعر المعنى

سلطان الجـذع 17-Aug-2008 06:24 PM
أنا خابرك رجل الغبة اللي تتعب السبّـاح
لكن أقفيت عنّا تمشط اللحيـة وتدهنهـا :)

الله الله الله ...

قادح شرار ... بيض الله وجهك .... هذا ان دل على شئ دل على
ذائقتكـ المتميزة :) .....كل الشكر لك وفي أنتظار القادم من مواضيعكـ
القيّمة ...

مزيد العصيمي 17-Aug-2008 06:41 PM
تسلم يالذيب

بيض الله وجهك ماقصرت

محاوره من العيار الثقيل



دمت بخير

ابو فايح 17-Aug-2008 06:46 PM
كانت من اميز محاورات هذا الصيف وقد كان القرقاح طوال ليلته يتشره على الزلامي بعد خروجه من شاعر المعنى

لاهنت ياقادح على النقل الجميل


الساعة الآن »01:26 AM.
صفحة 1 من 4 1 23 الأخيرة »
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd