الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   مجلس الهيلا العام (http://www.otaibah.net/m/forumdisplay.php?f=4)
-   -   ((( الله لايكثر جنسكم يالرخوم ))) (http://www.otaibah.net/m/showthread.php?t=76350)

فرناس 16-Aug-2008 02:21 AM

((( الله لايكثر جنسكم يالرخوم )))
 
السلام عليكم

يالربع سبحان الله اثرهم اثر بعض هالعالم منسمة صدز من واقع تجربة شفتها مهوب ينقالي

انا لي ايام بايع ونيتي المصفح ولاعاد عندي سيارة وبغيت مشوار في شرق الرياض واخذت موتر واحد من العيال
المهم وانا في شارع الشيخ جابر للي وراي يكبس بالانور قلت بس هذا اكيد معه كارثة ويبا الفكة منها وان ماوخرت عنه صدمني والمشكله الموتر مهوب موتري موتر رجال ومستحي منه

ووخر عنه ويوم وازني وانا اتعاين فيه لهاك الي مايسوى له شاة رفيدية لابس طويقية على راسه مغطيتن نصف جبهته ومعه عجزن مثله واحد قدام واثنين ورا وفاتحين الدرايش ورافعين على المسجل وشاب على الناس يكبس علاهم علشان يفتحون له الطريق

قلت في نفسي اول شي الحمدلله على عطاة واثر العقل نعمة والثانية تكبس بالانوار ومسوي زحمة علشان العجز الي معك والله لون السيارة سيارتي ماخليك تطوف لكن حياي من راع السيارة خلاك تطوف انت والرخوم الي معك

ماقول غير الله لايكثر جنسكم يالرخوم واعجبتني هالكلمة ( الله لايكثر جنسكم يالرخوم ) :p


وسلامتكم

البريماني 16-Aug-2008 03:19 AM

هههههههههههههههههههههههه

تحمل وأنا اخوووكـ للحين ماشفت شي عيش اكثر تشوف اكثر....


ياغبنتي من هالنوعيات...ماودكـ غير تحط المطرق على خده...

فهد النفيعي 16-Aug-2008 04:03 PM

هذولي منتشرين عندنا في شرق الرياض الله لا يكثرهم

القادم بقوة 16-Aug-2008 04:24 PM

عندنا وعندك خير
وسع صدرك يا رجال
عالم زاحفة

جراح البرقاوي 17-Aug-2008 05:18 PM

هذولي منتشرين عندنا في شرق الرياض الله لا يكثرهم

ابو سعد الدلبحي 17-Aug-2008 06:01 PM

الله يهديهم




عاله على أهلهم وعلى المجتمع

كاسر الحوم 17-Aug-2008 06:28 PM

فرناس

وسع صدرك وانا اخوك

وراعين وتراهج في الشوارع

ودام انه ما جاك منه شي خله يولي

وحلوه الجملة الله لا يكثر جنسكم يالرخوم

ومشكور على الموضوع

رمح برقاا 17-Aug-2008 08:09 PM

توك تدري عن ها الرخوووم

ابك هذولاا اذوو العالم واشغلووهم

الربيعــي 17-Aug-2008 09:56 PM

أبك أنا لي أسبوع في مدينة الطائف وقال لي أحد زملاء العزوبيه لي عنه 5سنوات وبالصدفه تقابلنا بالطائف وطلب مني نأخذ لفه بالردف اللي قريبه من شهار
وخلها على الله بس ياأخوك ولا يهونون الربع وش هالمناظر وهالشباب شي غير متوقع خاصة في الطائف لكن أتمنى من الله أنهم مصيفين ومن الجيران ماهم من ربعنا
وش اللبس وش الرقص وش القصص وش الزين وعلم علم الله لا يكشف لنا ستر ماعاد بقي لرجوله عندهم مثقال ذره وأشكال تتفرج عليهم حرام أن وصفك قليل فيهم بالنسبه لصحاب السيارة المذكورة سابقاً


لكن ما أقوله
أن الله يحفظ أبنائنا وأبنائكم وأبناء المسلمين من كل شذوذ وأنحراف وغي وزمر الفسق

فرناس 23-Sep-2010 06:38 PM

كل عام وانتم بخير لكم وحشة


الساعة الآن »04:47 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd