مرحبا بالرشيدي يوم مر وتعنّا=جيته عندنا تسوا ثلاثين جيّه
شاعر ويفهم الاشعار من كل فنّا=كان وده ندردش يعتبرني خويه

البقا فيك ياصوتٍ على اللحن غنا=لحن مايتصل بالعود والسمسمية
اعتبرني خويك وانتبه لاتثنا=الفشق في حزامي والرسن في يديه

قبل شهرين مكتوبك وصل في وطنا=كل من شاف حرفه قال وش هالبليه
التثني ماهوب النا.. وخطاكم تثنا=طبعا العفو يارجال والمقدريه

استلم كل مايصلك مكتوب منا=وانتبه للحروف البينة والخفية
التثني ماهوب الكم ولاهوب لنا=لكن المعركة تنسى بها المرحمية

استلمنا وكلٍ شاف يااابو مهنا=والعرب تدري انا مانحب الخطيه
الكلام ان بدابه صدق لااا ماشحنا=لكن الظلم يارجال ظلم البريه