سـلام ياربعي ,,, وعــزّ الراس من عــزّ المتـون=وانـتـم مـتـوني وانـتـم حــزامٍ يـشــدّ بـه الظـهــر
اللـيـل ياشـعـاار وانـتـم تـبـصـرون وتسـمعـون=ابى اللّي ينحت من صخر وابى الّي يغرف من بحـر

بالشاعر اللي حط نظاره على ذيك العيون=يامرحبا والدرب واضح كان شافه بالنظر
الليل مامن ليل مر الليل ياللي تسهرون=سوق المعاني سوقها عقب الفجر قبل الظهر

اللـه يبـارك فيـك ,, وانتـه لاتـدهـويك الظنـون=هـاذي مـجــرد صـورة ولاتـنـبـهـر لاتـنبـهـر
عطنـا علـومك وانـت فـنـّانٍ عـرف كـلّ الفنـون=يامشرف الأعضاء تراك اليـوم جايٍ في خطـر

تاخذ عيون الناس ماباقي عليك الا السنون=لكن نبا نعطيك مهله يالعطاوي كم شهر
تبا تجيك علومنا يالشاعر الفذ الحنون=قدام لايغويك تهديدك ويذبحك الضفر

انتـه تمهـلّ لي وكنـّي من مسـاجيـن السجـون=وانا سعـد عيـن الضفر وانا عمى عين القشـر
ياللـه يامـنـزل ثـعـول الوبـل من بيـض الـمـزون=انّـك تجـنّـبـنا العـوج وانّـك تجــنّـبنـا العـجـر

امهلك يوم انك على حاجات خلق الله تمون=والمهله اللي معك يمكن تصبح لغيرك عبر
لاتفتري ياصاحبي وتخلي الحجه بدون=بعض السوالف بينه ماضنه عنّا تمر

انتـه تكـوّن حاجـةٍ في الوقـت الأتلى ما تكـون=وان كـان الك عرف وبصيـرة عندنا عرف وبصـر
انـا ما أجيـب المخطيـة والكايـدة عنـدي تهـون=والمغتـني ما قـد جلـس من فـوق سـجـّاد الفـقـر

ياصاحبي عبدالمجيد السالفه ماهي لحون=العلم فأيامٍ مضت منقوش من فوق الصخر
انا ادري انك كفو والعالم تراهم يعرفون=لكن ترا فعل البدو ماهو مثل فعل الحضر

انتـم لفيـتـوا صوبنـا لاكـن مـدري وش تبـون=وانـته محـقـق مـار شـارك مـع قضـاة المـوتمـر
وانا أدري انـّك يارفيقي للرفاقـة ما تخـون=والبـدو جاي الهم عصر والحضر جاي الهم عصـر

حنا لفينا يوم طلاب المدارس يدرسون=واليوم اضن الوضع متغير على بعض البشر
ياليتكم يا اصحابنا باللي غوو ماتقتدون=حتى يكون المجتمع واعي ونفرح بالنصر