الهيـــــــــــــلا *** منتدى قبيلة عتيبة - قصيده للشاعر الكبير مخلد القثامي

يالله ياربي

يالله ياربي عليك التسانيع
وان ضاقت البيبان بابك وسيعي

كريم يابرق نخيله ورا الريع
ونخيله باطراف وادي النقيعي

يا راكب اللي من سلاليل مرافيع
اسداس حيل ما تلاهن رضيعي

قطم السماري ما هوتهن مراقيع
تاطا الحثاث وسبتهنه متيعي

ايزوعن الى بدا الفجر تزويع
ولهن غذاي اليتامى وديعي

ما فوقهن الا العيال القواطيع
طريحهم بالعج ماله منيعي

حط البهار ونطع الليف تنطيع
لين السوالف بين اهلها تريعي

واخذن من غدران حاذه قراطيع
من ماء المطر ماهو بعدها رجيعي

ويازينهنه بالسليله مخاريع
للحيهنه في اللواحي قضيعي

باطرافهن مثل السباع المجاويع
من ذل اهل ركبه عليهم يفيعي

واليا بدن حلي كشب المضابيع
ادروا عليهن عقب مسرا شنيعي

ولازم تشوف الطرش حمرن مراتيع
والا تشوف النار تلمع لميعي

وزع عليهم ردتي بالتوازيع
وخص العيال وكل قرمن رفيعي

ونجل العيون مخوتمات الاصابيع
هيم البطون وخل عنك القظيعي

وان سايلو عنا بوادي المرابيع
اتراب والخيبه بهاك البقيعي

صعوطنا القبعي وعج المدافيع
وان ثارت القله غدينا مزيعي

أخيامنا مثل الطيور المواقيع
ولا ديرة زينه ولا من نفيعي

والحي لابده يجي بالمراجيع
واللي دعاه الموت يقعد وضيعي

عسى ان تنال على رضاكم واستحسانكم

:D :D :D :D