السلام عليكم ورحمة الله

ياسلام الله سلام اسلام والمسلم بدابه = يارياجيل (ن) تقدرها وتحشمها عداها
ياعتابه مانبا ياكود شاعر من عتابه = ويتعين كلمة(ن) تسمع جبال ابها صداها

مرحبا يا ذيب ياللي جيت في حلة ذيابه=والذيابه للذيابه قيسها وأعرف مداها
كل جابه عندنا من فوقها حجه وجابه=هات علمك والدروب اثنين وأختر في حداها..!!

البقا بك والدروب اثنين لو ماهي تشابه = خل عين(ن) قدمها والعين الاخرى من وراها
كيف ضيعتوا حجج برهانكم وانتوا شبابه = لين قد عقالكم من ضيمها تفرك يداها

البقا بك والدروب اثنين لو ماهي تشابه = لا تخيرني واخير في حداها من بداها

لو تجي راع النجاره تخبره بأحوال بابه=يكبر البرطم وعينه تشتعل من زود داها
وش تبى باللي يخص أهل الطويله وش تبا به..؟!=وأنت ما تنزل ديرها لو تقول من حدداها..!!

لو تعذر للمنقد ما عذر من حر مابه = بارك الله في رجال(ن) طيبها يسبق رداها
مار كان انك تقول انك من احفاد الصحابه = نبه اهل الحرب لا تبكي على كثر اشهداها