الحـر يزكـي.. والدجاجـه.. دجـاجـه=وماني علـى بعـض المقاريـد مجبـور
الضـرس قلـعـه لا تـألـم عـلاجـه=لا صار مـا ينفـع معـه طـب دكتـور!
وحكي القفى في الناس عيـب وسماجـه=واللي يتتبـع عـرض الأجـواد مثبـور
(نارد) قرا ح المـاء ..ونتـرك هماجـه=هـذا لنـا مبـدأ.. ومنهـج ..ودستـور
واللـي يطفـي فـي الغـداري إسراجـه=لايحتري قمراء ..ولا يرجـي النـور !!
تـراه يضيـع صيدتـه فـي عجـاجـه=لا يسمع الناصـح.. ولا يأخـذ الشـور
والكـل يبخـص فـي الشدايـد خراجـه=لا نشبت اللقمة من الغبن فـي الـزور !
والحـظ لابـان الـردى فـي حجـاجـه=أصبـر مـدام الصبـر ياخـوي مقـدور
الله خلـق كـونٍ وسـيـعٍ.. فجـاجـه=والعبد لو يطـرد وراء الـرزق معـذور
و(راع) الرفيـق ولا تعـكـر مـزاجـه=خلـه سعيـدٍ دايـم الــدوم مـسـرور
كسـر الخواطـر مثـل كسـر الزجاجـه=نفس البشر دم.. وأحاسيـس.. وشعـور
واللـي يتصـدد مالكـم فـيـه حـاجـه=يالله عسى إللي يدور الستر .. مستـور
وحذرا تصير لبعض الألسـن (علاجـه)=بعض البشر يحلف.. ويشهد ..على الزور
والتمـر يعـرف طيبـه مـن خمـاجـه=ماجـور ياللـي تدهـل الطيـب ماجـور
الـواحـد القـهـار راعــه ونـاجـه=الله يكافينـا مـن الضـيـم والـجـور
يقولـه إللـي قاسـي الوقـت عـاجـه=صابر وهمـه داخـل الجـوف مقبـور!!

كسر الخواطـر مثـل كسـر الزجاجـه
نفس البشر دم.. وأحاسيـس.. وشعـور

قصيدة مليئة بالعديد من الأبيات الجميلة والحكم

شكراً لهذا الإنتقاء الجميل ياجميل

تحياتي

المشاركة الأصلية كتبت بواسطة عبدالله الجـــذع (المشاركة 707538) الله.. قصيده اعجبتني بـ حق وحقيقه الف شكر لك يالسبيعي على الانتقاااء الجميل جدا كما عودتنا عليه ننتظر جديدك محبك .,

المشاركة الأصلية كتبت بواسطة فيصل المسعودي (المشاركة 707543) كسر الخواطـر مثـل كسـر الزجاجـه نفس البشر دم.. وأحاسيـس.. وشعـور قصيدة مليئة بالعديد من الأبيات الجميلة والحكم شكراً لهذا الإنتقاء الجميل ياجميل تحياتي