سلام تسليمة وفا واثنيه من شان الرجال=اهل الوفا في ذا الزمان الله يكون بعونها
الطيب كايد والمراجل كلبوها راس مال=ولاقلت لي ياصعبها اقول لك ياهونها

ابك البقا والشك مدري زال ولا لايزال=الناس تمشي بالطريق وتنظره بعيونها
اليا دخلنا السوق نشري بالجنيه وبالريال=حاضر بحاضر والعرب يالله تسد ديونها

منهو يدورله عداله مالقا غير العدال=دام العرب ما دورو ما ضنتي يلقونها
جيب العلوم وردها مادام لك فيها مجال=ياكثر ناس(ن) مالها ياكود هز امتونها

ياصاحبي مابه عداله غير من رب الجلال=والا العرب على العرب دايم تحد سنونها
ان جبت علم اعطيك علم الفال يقفاه العقال=ياكثر ناس(ن)مالها ياكود جرع غبونها

دام العرب ما دورو ما ضنتي يشرونها

من بعد ما بانت انجوم الليل واطراف الهلال=ما عندنا الا للمغني كود عزف الحونها
ياصحابنا ذيب العوازم ذبحته ذبحت حلال=دامه يبا الجمره تولع من على غليونها