سـلام الله سـلامٍ أحلـى مـن در المباكيـر=للـي يعـزون الرفيـق و يرفعـون الـراس
وفـاح القيـل فــوح الــدلال المباهـيـر=وأصبه في فنجـالٍ يقطـع حبـل الأعمـاس
وأعـده علـى مـن لا يعـدون المخاسـيـر=ذرب اليمين وجناها مـن طيبـات الاغـراس
وأثنى السلام لعالي المقام بالصـوت الجهيـر=يستاهل المـدح والثنـاء فـي كـل مجـلاس
رغـم القسـى والبعـد نرسـل لكـم توقيـروتقدير= للي تاه في مدحهـم حبـرٍ وقرطـاس
ولكم منا يابو خالد عقـب البطـى والتقصيـر=حبل الوفاء معقود بصادق الـود والإحسـاس
يا مسطـر الأمجـاد رمـز السطـر تسطيـر=ياراعي الفزات والمدات مـع كـل الأجنـاس
ما يلحق الطالات كـود مـن يتعثـر ويغيـر=ويجرع مر الكأس وينهض على قب الأفـراس
ويصبر على صلفات الأيام والليالـي تستديـر=وينصى المراجل لو هي تفج عظيمات الأطعاس
يا نسل من وطـوا نجـد زحـول المناعيـر=عتيبـة الهيـلا هـم هـل الـدرع والطـاس
وآلاد النخيش تشهـر فـوق روس المشاهيـر=أهل السخاء والجود والعمـر يتـلاه الإفـلاس
ولا هاضنـي وصـف معلقـات الأسـاويـر=ما هاضنـي إلا مـدح كـل حـرٍ وقرنـاس
حـرٍ تعـلـى ومـاكـره روس المواكـيـر=محمد ولد مسفر فخـر القبيلـة لنـا نومـاس