سلام مني بعد ماجيت حسب الوعد=للعزوه اللي تعرف الناس مقدارها
ياسعيد بالله سلم لي وخبر سعد=مايقلط بكل قوم الا من خيارها

ابك البقا مايضيع اللي بدربه نشد=يارامي البندقيه ضبط عيارها
برق السحابه بتالي الوقت يقفى الرعد=يلوح بيمينها ويلوح بيسارها

ياليت بو زيد يومه قام عود قعد=يرتاح في ديرته والناس بديارها
عسا عيون الحسد ياصاحبي للرمد=والا المشاريه ماخضنا بمضمارها

ذلولنا بالطلب دايم تجيب المدد=يوم العرب تطلب النجده على حمارها
السيف يبغا ولد يمناه ماترتعد=والا العوازم رجال طوال(ن)اشبارها

الخوف خلاك ما بين القبر واللحد = وجنازتك فى الوغا معروف قبارها
يا صـحابنا يوم كلٍ للمنـايا ورد = منتـه بميـرادها ولا بمـصدارها