الكبتن الله لايهينه لو رجعنا للصحيح=كبتن ذلوله والجبال الصم ماتدري عنه
ساعي مثل غيره يسج الرجل ويقوم ويطيح=ماهو على لطامة العايل مسويّ كبتنه

الكبتن الله لايهينه لـو رجعنـا للصحيـح كبتن ذلوله والجبال الصم ماتـدري عنـه ساعي مثل غيره يسج الرجل ويقوم ويطيح ماهو على لطامة العايـل مسـويّ كبتنـه

هذي هديّه غاليه ماجات من كفٍ شحيح=وشرواك لامنّي لقيته صار تحت السلطنه!!
وأنا ثمان سنين اجاهد وأنت جالس مستريح=اتنام في نص السنه ..وتقوم في تال السنه!!

اهدوك مالا يملكون وكرسي القاضي شريح=ما له سواه ان جات بين الميسرة والميمنه
على جهـــادك قلدوك وسام مع بعض المديح=تكفيك مادامت حروبك سر ماهي معلنه

لاتفتحون الباب كان الباب ياتي منه ريح=الله ولا باباً يفَك وتاتي الريحه منه!!
جيتك بالاسم المستعار.. وباقي الاسم الصريح=والادمي يامّا ذهب والاّ لايذكر معدنه!!

يفوح من باب العداله ريح مسك وريح شيح=وانته تشـــــــــوف السيل لكنك تحاول تدفنه
قدّام اقــــــول القبة اكبر منك يالوجه الفليح=صّرح بما عندك على الشاشة وكب الحنحنه