ابوسلطان قبل العيد جاب العيد=معيد قبل خلق الله بشهريني
ابيه يفيد لكن مايجيب الفيد=يابو سلطان سر الليل ياعيني

ترانا ما نخالف منهج التوحيد=ولاكنّ لاتروح يسار ويميني
على صدرك نشغل مروحة تبريد=على شأن الحرارة معك ميتيني

يابلهان العفر وش بك قطعت القيد=وقيدك في يدينك ربطت يديني
بعد ماكنت تبنيها بناية حيد=علامك قمت تبنيها من الطيني

تبيها فالشحم لكن جت فالحيد=ولكن في طريقي لاتخاويني
ترانا نعرف الاصلي من التقليد=وراك تغير التسعه بتسعيني

تهل دموع ابن غانم على ابو زيد= لو ان الموت الاحمر بينه وبيني
عكست السيد وانا ماعكست السيد=دخيلك طال عمرك لاتخليني

تعبنا من شروح الدرس والترديد=وناصر مع زميلا له مفهيني
اعرفك يابو تركي ما تروح بعيد=ليا طالت خطانا تشكي البيني