سلام تسليمة تشابه للجواهر والنقود = من هاجس ٍ جاه الطرب.. ولا الطرب له محتوي
عيّنت سلطان الجذع يوم ٍ بركله قعود = وشد الحملولة ...ثم سرّى فالطريق المستوي

يامرحبا بك عد مارف العلم فوق العمود = من هاجسٍ مختص فالابداع والبيت القوي
قعودٍ أقشر يالثبيتي لارموح ولاهبود = رما به الحظ الردي ... والذيب من عصر يعوي

ماهو بعير ٍ مير أظنه يالجذع ... ناقه ولود = وجمالها ضاوي وناوي شر يالصاحب نوي
أنا أشهد إنك شاوي ٍ راسه وقلقلت الكبود = يا طيبها يوم إنضجت ..يا طيبها وقت الشوي

المشاركة الأصلية كتبت بواسطة /عبد العزيز الجذع/ (المشاركة 703690) الله الله. قادح شرار , سلطان الجذع. الليلة محاورة غير. صحت السنتكم يا مبدعين. متااابع وبشغف

المشاركة الأصلية كتبت بواسطة $ الحــيــران $ (المشاركة 703693) ياسلام على الإبداع والجزاله صحت ألسنتكم

لاوالله الا شكلها ماهي ولود ولاودود = يعني ماهي حظ السعد لاجات فمراح بدوي
لكن حاسب يالغليّم لاتبيّح بالسدود = أطو السراير في ضميرك يابعد حالي طوّي

يكفي مديح ..إفطن لسيل ٍ فاض من كل السدود = يا جعله الليلة يسيل وكل ضامي يرتوي
في ماضي الأيام يا سلطان عديّت الحدود = لكنك الليلة بلشت وجاك درب ٍ ملتوي