يا طول صبري على بعدك وهجرانك = ياللى ملكت المشاعر كيف تنساني ؟
ماهو بـ معقول ... تنسنى سيد اوطانك = وانا الذي كنت .. مالكها بلا اعواني
صرت الغريب الذي ... شفته مع اخوانك = من بعد ماشفتك ... الغرقان بـ احساني
كنت الوحيد ... الذي صديت عدوانك = والحين صرت انت ... من يقتاد عدواني
كنت اول اللى عرفته ... بين صدقانك = الوافي اللى ليا ... صاحبك ماخاني
انا الذي كنت ... جارك واحلى جيرانك = والحين يا الجار ... مانته ضمن جيراني
انا الذي ماقدرت ... اليوم نسيانك = لو اني انسى ... خوالي بعد عماني
هذي فعول ٍ ... من يديه على شانك = وانت تحاول ... على التقليل من شاني
الله يسامحك ... بعد اقفلت بيبانك = وانا لو اموت ... ماقفّـلت بيباني
هذي حروفي مثل ... سيل ٍ بوديانك = والله يجيب المطر ... في وسط ودياني