يالله يـارب عبـدً سـارحٍ تـوه=يوم المواذين تذن فـي مساجدهـا
نطرد وراءالرزق والارزاق تلهوه=ليـن المنايـا توردنـا موردهـا
والحايزاللي من القبله زفـا نـوه=قدامه الارض خاليتـن قواعدهـا
وأن كان ماباشروه الناس من توه=والله ليحرم هل الديره مقاصدهـا
واللي يبي من حلال الناس بالقوه=والله ليتعب وهـو مافـاد فايدهـا
واللي يحط الردى والكره تلهـوه=الزرعه اللي زرعها صبح حاصدها
وإن كان ما فالقبيله رفق ومـروه=لأخير فيها عسى الجـلاد يجلدهـا
ورجلً يبي منك رفقً زين وعنوه=تفقـده زيـن وعلومـه تفقدهـا
لاترخص العار عند الآش والبـوه=تجيـك بكـره مقطعتـن قلايدهـا
واليا نصحته يقول اللي تبي سوه=والمشكله كان ماليتـن صوايدهـا
ولاتعطي السد من لايعرف الخـوه=والسالفه عن طويل أذراع سندهـا
والمال خلا الغناوي صافـيً جـوه=والفقر رد النشاما عن عوايدهـا

المشاركة الأصلية كتبت بواسطة المبهم (المشاركة 701135) صح لسان الشاعر الكبير/ مصلح بن عياد ومشكوووووور على النقله الاكثر من رائعة والله يعطيك العافية

المشاركة الأصلية كتبت بواسطة /عبد العزيز الجذع/ (المشاركة 701348) صح لسان للشاعر المظلوم/ مصلح بن عياد هلى هذي الجزالة الغير مستغربة. والف شكر يا فيصل على الانتقاء المميز كعادتكـ. تحياتي.