آه من كبدٍ غثاها في خفاها لاجي= كل يومٍ بالحروب الدامية مرهوجة
يامحمد وين نلقى للكبود علاجي = أنت ماتدري وش اللي صار بالفلوجة
السرايا بالضرايا كل يوم أفواجي= بأحدث أنواع السلاح وقوةٍ مدموجة
والخنادق كملوها من وراها سياجي = لين صارو في حصار وحالةٍ محروجة
يضربون ويقصفون الناس قصف مفاجي= حزن وكبود العذارى بالعزا مخلوجة
وجردوا ستر الرجال بسطوة الكرباجي= ودنسو حتى عفاف الجادل العمهوجة
جعل يسقى ابو عدي ويرحم الحجاجي= ويش هم مع فعل قوم الحجة المفلوجة
مير انا اللي سرني وأبعد عسام ازعاجي= فعل اهلها اللي سببها ضيقتي مبهوجة
ماذعرهم كل سربٍ في سماهم راجي= جنبوهم عن عنان المهرة المسروجة
سربةٍ قامت تهلل في الظلام الداجي = لا من اشياع العراق ولا سراد علوجه
سربةٍ تخشى الاله وتنتخي وتناجي = عجزوهم وإستدارت للسلام الموجه
يالله انك لا تخيب دعوة المحتاجي= دام نعلم كل كربة بالدعا مفروجه
ومن يبي ريح الشهادة يركب الأمواجي = يترك اللي في يديه ويدخل الفلوجه