يامرحبا ترحيبةٍ تنحت من جبال السراه = الي على الطايف مطله والهوا ما هدها
قولوا لمستور العصيمي ينتبه يرفع عصاه = ام الكباير دمعها من عينها في خدها

دام البقى يالشاعر الي يلحق الشاعر هواه = مديت لك يمناي يمناك الكريمة مدها
يالعازمي لا تشتقي بالحب دورنا رحاه = وام الكباير خلها عندي وانا العن جدها

ياعد يا هداج الي يروي الحجاج ماه = الله عطاني قوةٍ عطاك قبلي ضدها
هذا خطا والمخطي المسؤل يتحمل خطاه = انت تلبس لك رجال ثياب ماهي قدها

ترا العصيمي لو شرب له بحر ما يقطع ضماه = دوبك تلفت ياحبيب للنجوم وعدها
الي يصيح للعرب دون الجبل ولا وراه = ياصاحبي يالعازمي هات العلوم و ودها

حنا ترانا ما نحسد الرجال يوم الله عطاه = وحقوقنا حامينها ود العدا ما ودها
الي يصيح للعرب صيّح وبد الله خفاه = يكد راس الجارية والمشط عيا يكدها

الي يخاف الله يزكي المال في وقت الزكاه = بالله قل الي بناه لا يزيد يهدها
المسلم المغرور ماله لا صيام ولا صلاه = راع العيون الحول في الجيران ليش يلدها

العام البيت الفقر جاه المال من بيت الغناه = واليوم بيت الفقر يازن صاعها في مدها
كيف المريض الي على الدكتور مشروط دواه = يصحي من الغيبوبة الي تاخذه لابدها

المعطي الله ما ترجينا البخيل وعطاه = ونقول يا بيت الكرم عش الضيوف وغدها
ياصاحبي يالعازمي صاحبك عالٍ مستواه = اهرج واهرج معك والي تباها بدها