أبشكي الفرقا وأبشكي من الحال=وأبشتكي منك وعليك الليالي
قلبي من أسبابك عليه الزمن مال=وأدري عليك الوقت يابنت مالي
ياللي رموشك فوق خدك لها أضلال=ونظرك قصة لليال الخوالي
خدك وعينك موت والشعر شلال=جاله على متنك وصدرك مسالي
من نور وجهك تكسف الشمس وتهال=وصوتك يسكّر كل مذعن وسالي
ضحتك لي حيله ومبسمك محتال=وغلاك مايغليه غالي لغالي
أذكر مراتعنا علي ذيك الأطلال=وأقول ليت لكل صابر منالي
والناس بذتني على كثرت القال=إليه حرام الحب وإلهم حلالي
قال الحكيم اللي خذا الحب منزال=عذالكم تبغى هواكم زوالي
حافظ على غض النهد شاغل البال=يصفي زمانك لو تغليه طالي
لو طالت الدنيا ولو الشقا طال= وشفنا القمر في نصف شهره هلالي
ما ياخذك غير من الناس رجال=ألن جاين للنصايب ضلالي
الشـــــــاعــــــــر=ذيب النفود نايف الحنتوشي

المشاركة الأصلية كتبت بواسطة عبدالله الجـــذع (المشاركة 697318) اللـه نايف صح لسانك يالغالي نادره وجزلـه يالجزل سلم بنانك وفكرك محبك .

المشاركة الأصلية كتبت بواسطة محمد العتيبي (المشاركة 697319) ذيب النفود قصيده غزليه رائعه منك يارائع .. صح لسانك .. ...

المشاركة الأصلية كتبت بواسطة المبهم (المشاركة 697320) صح لسانك مبدع ورائع جداً وبيض الله وجهك والله يعطيك العافية