يامرحبا باهل الوفاء والحميه=ترحيبة (ن) تنشر على كل الاوطان
يامرحبا باللي يشرف مجيه =على الشحم والهيل بدلال رسلان
العود الازرق دار والشاذليه=فنجالها يبعد عمس كل عمسان
حي الشيوخ اللي لهم مقدريه=اشيوخنا اللي فالمواقف لهم شان
يامرحبا واهلين واثن التحيه=عند الرجال اهل المكارم والاحسان
اساعده وقت اللقاء صيرميه=رجالنا ياقف مثل حد شامان
يشهد لنا من كل صوب ونحيه= تاريخنا معروف من ماض الازمان
من يوم كنا فوق ظهر المطيه= كنا ولا زلنا على ساير ٍ كان
واليوم نمشي كلبونا سويه=في ضل عبدالله وفي ضل سلطان
افعالهم وسيوفهم صيرميه = لاصار فالميدان عجه ودخان
حامينها من كل نيه رديه = حكم الملوك مرجحه كل ميزان
دستورها القرآن سنة نبيه=الديِّن حق ومنكر الحق شيطان
واختامها صلوا لرب البريه=رافع سماها فوق من دون عمدان

المشاركة الأصلية كتبت بواسطة معجب العتيبي (المشاركة 697274) كفو ياشامان وكفوا بعتيبه كااااااافه مناسبه رائعه وقصيده اروع شكرا لك وصح لسانك

المشاركة الأصلية كتبت بواسطة خالد القرزوح (المشاركة 700012) صح السانك ويسلم راسك على هالقصيده الجزله تقبل مروري خالد القرزوح الاسعدي