يا عبيد ضيعت ما هو من كبر سني = لكن وقتي عن المالوف عداني
لو كان ما أخطيت أقول إن الخطا مني = أنا أعترف به ولو ما ني بغلطاني
وإن مر شي(ن) ليا منه رحل عني = أقول يا عبيد ما شفته ولا جاني
الهم يترك عباد الله ويزبني = في داخل القلب له موطن ومسكاني
لين إنه أصبح معي دايم مواطني = رضيت به سرني ولا تحداني
قبلي ملم الهموم اللي تجنني = أقلط الهم به واستقبل الثاني
والنبض فالقلب نجر(ن) جوفه يدني = يقهوي الهم من دمي وشرياني
ورغم العنا اصبر على ما صار ما أوني = كله على شان صدقاني وعدواني
وتقدير للي على سره امومنَي = لايمكن أخون لو إنه هو الجاني
لو فآخر الوقت هذا مختلف ظني = ما عاد أبا شي واللي جاني أكفاني
وليا نشدني عزيز أقول له كني = أشوى .. وأنا كاتم(ن) فالصدر وأعاني
حتى ولو شفتني مرة ضحك سني = ما هو دلالة على إني صرت فرحاني
وليا بغيت الصحيح العلم واصلني = علمتك ولا تعلم باقي اخواني

المشاركة الأصلية كتبت بواسطة فلاح بن مرشد الزراقي (المشاركة 697209) اسمحوا لها بالمرور .......! ورغم العنا اصبر على ما صار ما أوني = كله على شان صدقاني وعدواني وتقدير للي على سره امومنَي = لايمكن أخون لو إنه هو الجاني لو فآخر الوقت هذا مختلف ظني = ما عاد أبا شي واللي جاني أكفاني وليا نشدني عزيز أقول له كني = أشوى .. وأنا كاتم(ن) فالصدر وأعاني حتى ولو شفتني مرة ضحك سني = ما هو دلالة على إني صرت فرحاني وليا بغيت الصحيح العلم واصلني = علمتك ولا تعلم باقي اخواني .