ياسلام الله سلامٍ هزه الشوق بغيابه = من ديارابها وصلكم عبر سلك الديسيّلّي
وان سرحنا وان ضوينا مالنا غيرالصحابه = ومن سوالفهم ترانا ما نكل ولا نملي

مرحبا بك يالمسلم بالاصاله والنيابه=بالاصاله والنيابه عن خواني في محلي
البخاري ولّف اكتاب الحديث اقرى كتابه=شد حيلك واعرف احكام المزكي والمصلي

الخيال اللي نشا من يم جيراني عتابه = ماطره سيل عسير وناسها قامت تهلي
والغريب الي حصل تو الجمل ماشق نابه = مير يبرك للحمول الكايده وايضاً يشلي

الخيال يهل وبله والعرب تحسب حسابه=الله اكبر يوم اشوف البرق وثعوله تهلي
كان مانت بذيب يالعوفي تعشتك الذيابه=بعد ماولا السحيمي ليت راشد مايولي

المشاركة الأصلية كتبت بواسطة ناصرالمرشدي (المشاركة 696292) مرحبا بك يالمسلم بالاصاله والنيابه=بالاصاله والنيابه عن خواني في محلي البخاري ولّف اكتاب الحديث اقرى كتابه=شد حيلك واعرف احكام المزكي والمصلي

المشاركة الأصلية كتبت بواسطة العـوفي (المشاركة 696296) الخيال اللي نشا من يم جيراني عتابه = ماطره سيل عسير وناسها قامت تهلي والغريب الي حصل تو الجمل ماشق نابه = مير يبرك للحمول الكايده وايضاً يشلي