الليل ياكبتن مناحي جيت..!! مقتادٍ بليس=من كبتنك على عتيبه وأنت كبتن للتبيس
يضحك على لحيتك مرزوق العتيبي (فيس) (فيس)=ومسيلمه كذاب ومحمد رسول الله نبي

اركب جبل وانزل جبل وانطح جبل وانته جبل=مير الحجاز أجبال مشتهره بكثر أقرودها
والشاعر الي ماتحيزم خطر يزلق فالوحل=ولا خير فالي ماتسمى باهلها واجدودها

لن كان جبت أبليس يبغى ينكبك.. ماتنكبه!!=أما ركبك ابليس يارجال ..ولاّ تركبه!!
وكبتن عتيبه لا تزعزع رأسه ولا منكبه!!=ومسيلمه كذاب ومحمد رسول الله نبي!!

ترى الحجاز جبالها تتعبك ياراع السهل=وانته ماتقدر فالجبال اللّي طوال حيودها
هذي هي أول مرّه الاعبك..واضرب لك مثل=قال المثل(من ذاقها مرّه ماعاد يعودها)

جبته وأنا أضمن عودته سالم ومعه الطلمسه=لو كان بعض الناس من شوفته كبدة تحمسه
وأن كنت صادق يالعتيبي يوم أجيبه تلمسه= ومسيلمه كذاب ومحمد رسول الله نبي

وأما انت تقدر ومتدرب مير أنا ماقصد زلل=أقصد على راسك مزونٍ ترهبك برعودها
وشلون تفتي يامناحي يامناحي ياخبل=ياما تقابلنا على ضهور الخيول أنقودها

أبليس قلّي يوم جبته وين جاك وكيف جاك؟!=وانا وربَّي مالمسه لكن خلّه في يداك!!
لكن حاول تركب الشيطان.. لايركب علاك!!=ومسيلمه كذاب ومحمد رسوالله نبي!!

دوبك تعلم للقصيد وطحت في شاعر فحل=وأنا اعرف الشعار واعرف نقصها من زودها!!
وش لون ابعطيك الذهب فاربع قروش من الهلل=جوَّد قروشك دام جود الناس من ماجودها!!