أول كلامـي طلبتـي ذكـر الله=ماني عن الرب الكريم غنـاوي
أغفر ذنوبي يـا محـل ذنوبـي=ان كنت في بدع كلامـي غـاوي
مانيب من يمدح بقولـه لسانـه=ولا ني على عشق البني هواوي
على طلال الصبح خيـل مخيلـة=تاصل مناينها إلى الجرذاوي
وبروقها الهند ومصاقيل العجـم=ورعودها البـارود والعـزاوي
وتمطر بعطشان المحبب والقنـا=والها بروس الخيريـن تعـاوي
جانـا سعـود مسيـر بجنـوده=معه الدويـش ولمـة البـداوي
ومعه جموع سبيع واهل العارض=وصبيان يام وبيرق القصمـاوي
هم ثمان الاف عـداد جموعهـم=بلـوى وربـي يدفـع البـلاوي
وحنا ثمان أمية عـداد جموعنـا=لاش أجنبي فينـا ولا برقـاوي
الاد روق اللـي عريـب جدهـم=لاجا مـن الحكـام رد بـراوي
ندّب علينا شيخنا ابـن محمـد=ثم انتهض مثل العقاب النـاوي
عودٍ تعطف في ظهـر جلومـز=جلومزٍةٍ مثل القضيـب الهـاوي
مترفـعٍ عنهـا اللحـم بعلوهـا=شعلاً شعـاعٍ شعلّـةٍ شعـلاوي
وصحنا عليهـم ثـم عاونـا الله=لين انها صـارت لنـا منـاوي
ياكثرهـم لاقـرب الله دارهـم=قمنا عليهم مثـل نجـمٍ هـاوي
لكن سربتهم اليا اوجهنـا بهـم=شـراد ريـم مـع حمـاد داوي
لكن سربتنا الـي اوجهـوا بنـا=زمولٍ مخزمة علـى الكـراوي
وطلحه نحوا عنا بريه يسارهـم=وتعاقبوا دهم العـروق هـداوي
كن الجنايز في نحـاوي طلحـه=جدع الخشب فالوادي السنـاوي
وحنا تلاقينـا بسربـة علـوى=وساع الطعون مطوعين الغاوي
ونخيت مزحم سعد منهم ربعـه=يوم اللقـا زادوا ورا الهقـاوي
ردوا يمانيهـم لكـل مـجـرب=ياما خذوا من روح كل مسـاوي
نضرب بسلات الهنادى روسهم=ونقصن مثانيهم مهيب سطـاوي
ونرخي بهم حد كـل موصلـة=في فعلها يحتـار كـل مـداوي
وارويت مذلوق القنا من خيلهـم=والشيوخ ما صدوا لها نحـاوي
ومنعت سلطـان البعيـر بينهـم=يوم ادبحـوا شرابـة القهـاوي
يارب تنجـيني وتنجـي سابقـي=اللـي تزبنـي عـن الاهـاوي
ما يلحق العنان هامـة راسهـا=ياكود يركيها علـى السنـداوي
مضرب يديها في صليب الرقـه=تاخذ من ادنى الحزم كبر الشاوي
قبٍ من الزلبـات وا فٍ عدهـا=بنت الاصيل وركضها فجحـاوي
ابرهـا وام العـيـال تبـرهـا=تشرب حليب الفاطر الجنفـاوي
تطلعن يالبيض فـي مركاضنـا=وصلت كسايرهم الى الحجنـاوي
وعزي لهم لولا اسمر في خيلهم=يهوي علينا اهوايـة النـداوي
لا رحم ابو من صد عن محرافها=يوم انجلاع الستر عن مضـاوي
نطعن لعين اللي تهـل دموعهـا=تبكي وفي تالي البكـا نخـاوي
تقول ياالظفران مـن عاداتكـم=هوشوا عسى يبقي لنا شـلاوي
ونطعن لعين اللي تجـر حنينهـا=عفـرا تبـا صيفيـة المطـاوي
قلت ابشري بالفك ياحـم الـذرا=دام الطعـن يفـك والاهــاوي
تزبنـوا عنـا قصـور عنيـزة=لين احتماهم بيرق القصمـاوي
ترعى بنا عوج الركاب وتنثنـي=ماحدرت حسلة الى الحجنـاوي
والمدح لله ثـم نسـل محصـن=عسى لهم عند الالـه عـراوي
ذوي ثبيت اهل المناخ شيوخنـا=واهل الكرم والمنزل المتسـاوي
سواقة المغتـر علـى الحرابـه=يوم الحريب عن الحريب يلاوي
يا سايق الفنجال عدّه لمـدوخ=واثنه لابن صـلال والجـلاوي
وانا زبون الحرد ابو ضيف الله=لا قصر البرطم عـن الشفـاوي
وانا احمد الله يوم انا من لابـه=ماهم بقطمان اليديـن شـواوي

ونخيت مزحم سعد منهم ربعه =يوم اللقـا زادوا ورا الهقـاوي
ردوا يمانيهـم لكـل مـجـرب =ياما خذوا من روح كل مسـاوي
نضرب بسلات الهنادى روسهـم =ونقصن مثانيهم مهيب سطـاوي

ياحبي للبويتات هذي حباااه والله اني دايم ارددها

والمدح لله ثـم نسـل محصـن=عسى لهم عنـد الالـه عـراوي
ذوي ثبيت اهل المناخ شيوخنـا=واهل الكرم والمنزل المتسـاوي

والله ونعم بثبيت الاد روق ونسل محصن الرباعين الدواهي


الله الله

ردوا يمانيهم لكل مجرب


اشكرررك ذيب

المشاركة الأصلية كتبت بواسطة متـعـب المهيدلي (المشاركة 694999) ونخيت مزحم سعد منهم ربعه =يوم اللقـا زادوا ورا الهقـاوي ردوا يمانيهـم لكـل مـجـرب =ياما خذوا من روح كل مسـاوي نضرب بسلات الهنادى روسهـم =ونقصن مثانيهم مهيب سطـاوي والمدح لله ثـم نسـل محصـن=عسى لهم عنـد الالـه عـراوي ذوي ثبيت اهل المناخ شيوخنـا=واهل الكرم والمنزل المتسـاوي والله ونعم بثبيت الاد روق ونسل محصن الرباعين الدواهي الله الله ردوا يمانيهم لكل مجرب اشكرررك ذيب

ياحبي للبويتات هذي حباااه والله اني دايم ارددها

وطلحه نحوا عنا بريه يسارهـم=وتعاقبوا دهم العـروق هـداوي
كن الجنايز في نحـاوي طلحـه=جدع الخشب فالوادي السنـاوي