بعد طالت غيبتك قوم ياقادح شرار = وش جزا اللي عن بلاده مطول غيبته
انتظرنا مير مافاد معنا الانتظار = الولد شيّب وابو شيب راحت شيبته

أدع ربك يالعطاوي بكل ليل ونهار = يجمعك بالعود وتكسب رضى من نيته
أحتسب للأجر وأيقن ترا هذا إختبار = وكل مسلم عارف ٍ حسنته من سيته

مايسوق الطايره كاتب افبرج المطار !!!= ساقها اللي ينطح السحب من قو هيبته
خلها بيني وبينك بحر ماله قرار=لين راع الكذب ينطق وينفي كذبته

ما يسوق الطايرة غير من شال الشِعار = من يعوّض متعب اليوم في ورديته
سكتك يا متعب أظن عاميها الغبار = إنتبه للضلع لا تتكيلك حيته