بسم الولي في محل العز والهيبه=سلام من شاعر مطيري على عتيبه
نبغى لنا قاف نبدي به وننهي به=والسيف مجرود والاعلام مرفوعه

سلام الله سلامن على عز ومعزه=سلامن عد ماهبت هبوب الشمالي
نبى شاعر عتيبي يسد فكل حزه=مدام اللعب توه طرالي واستوالي

بسم العظيم الكريم الواحد الوالي=
يامرحبا ياهلا ياجار نا الغالي=
وابشر بقافن بنوره يسري الساري=
والسيف مجرود والاعلام مرفوعه=
هلا ترحيب وافي عن الشكه منزه=عدد ماصلو الناس ف العشر التوالي
على زين المثايل يجي للقلب فزه=ومدام اللعب طاري عليك انا طرالي

ابحتزم في حزامي نسل جداني=وانت احتزم ياعزيز القدر والشاني
الملعبه بنت تطلبني وتنخاني=والسيف مجرود والاعلام مرفوعـه

يدوم لك البقا والشعر طيرٍ نكزه = عليكم يا عتيبه عليكم يا خوالي
ألا ياساير الراس له سيفٍ يجزه = يجز الراس سيفٍ ليا جاله مجالي

اعتز بربعك وانا ربعي هل الشهره=
ربعي عتيبه من العارض ليا الحره=
منا المعلم ومنا عالم الذره=
والسيف مجرود والاعلام مرفوعه=
جميع اسواق الاموال جاها العام هزه=وهزت سوقكم وانخفض فيه الريالي
ياجابر مامعك سيف خشمك لاترزه=وطير الشعر حنا هله واهل القتالي