السلام عليكم ورحمة الله وبركاته

أحبائي أعضاء موقع الهيلا الكرام

بعد البحث في مواقع الإنترنت

أحببت أن أنقل لكم قصائد للشاعر المبدع/

لافي الغيداني

تنفعني المره على بيت أهل نوف=لو كان مالي عند أهل نوف حاجه
الجادل اللي لافنـي حبهـا لـوف=لوف الهشيم اللي تلوفـه عجاجـه
ما أرتاح لين أشوفها بالنظر شوف=وأخذا على بيت الحبيب أدراجـه
أروح قلبي من صخر لعنة الخوف=ويبدّي علي الخوف حين أنتواجـه
لاشفتها جاني عن الهرج صادوف=ما غير أهز الراس مثل الخواجـه

ياخلي فداك العمر كم لي وأنا نـاوي=أصارحك في غلاك وأنته وأنا ربـع
حفظت الغلا حفظ الامانه وانـا قـاوي=على حفظه وحفظ الأمانه لنـا طبـع
يابو غرةٍ فيها القمر تقـل متسـاوي=من يشوفهـا لاروّي منهـا ولا شبـع
ملكة الجمال ولجل مايقالـي غـاوي=أخذت الثلاث أرباع منه وبقّـي ربـع
على القلب لو أتويّق مع مفتقٍ خـاوي=تبي تشوف حبك داخله منطبـع طبـع
غلاك متمكني وأنـا سـارحٍ ظـاوي=وأنا صغير للحب في خفا خافقي نبـع
يقولون والذمه علـى عهـدة الـراوي=يقولون أهلي بتموتبه وأنـت ابوسبـع
ثمرة الكلام أرفق على قلبي الهـاوي=لاتّله أبحبك تـل ثـم ينجبـع جبـع
دخيلك من الفرقا ومن ذيبها العـاوي=ومن شر موت القلب وأقفايت الظبـع
ماتدري معك خمسة دقايق وش تساوي=تراها عن أمية عام مع بعض الربـع

لّد أبخجل قلت يامجنون يامصخـر=يوم أستفزيت قطنه وأنتخاء جوخـه
لوما على السيف ذخره كل متذخـر=شربت من زمزمه وأكلت من خوخه
أنبوبةٍ عطرهـا طاغـي ومتبخـر=طايحةٍ أبهدوء ومع الجنب مشلوخـه
قلت أهلك وين ؟ قالت جيت متأخـر=طارة طيور القفص وأنا أخر فروخه
وقفـت لاعـاد أقـدم ولا وأخــر=بين الذهول وهبوط الضغط والدوخه

العين عن حلو الكـرى موقهـا تـاب=ماتـذوق حلـو النـوم مـع ذايقينـه
أسباب لأنه ماش شيئاً بـلا أسبـاب=هاك الغـزال اللـي ذبحنـي بزينـه
مـر يتخطـاء ويتلفلـف بالأسـلاب=وطير عـن القلـب المشقـى يقينـه
من نظرته وقّع على القلب مضـراب=أشـد وقّـع مـن الرمـاح السنينـه
يسرق نظر عينه حذر مدري أعجاب=وأنـا منـه قلبـي تقطّـع وتيـنـه
عرّض ومن تعريضتـه خافقـي ذاب=وقمت أتبعه ما غيـر عينـي بعينـه
وأقفى عجل من نظرتي فيه مرتـاب=ويحط ظـول النـاس بينـي وبينـه
وصديت عنه وخاطري منه ماطـاب=كني مني يمه وأنـا أقـول وينـه ؟؟
من خوف يفطن لي وننشب بالأنشاب=السـوق زحـمـه والأوادم ذهيـنـه
وأخذت عنه أشوي مقفي والأعصـاب=متوتـره مـا فـكـرت بتهويـنـه
ولّديت بـه لأنـه يسعـر بالاطيـاب=عنـد الهنـود اللـي لغتهـم رطينـه
وأرسلت يمه نظرة أحبـاب لحبـاب=النظره اللـي مـا أتركتلـي غبينـه
وأقبل يبـي يحطنـي عنـه مجنـاب=وشكيت فـي ممشـاه عـلاه وينـه؟
وناظرت فيه وضحك النـاب لنـاب=ومن ضحكته حلـت علـي السكينـه
موّه على أهل السوق وأشر بالاهـداب=أشـارةٍ تبـغـى قـلـوبٍ فطيـنـه
منها فهمت أنه يبي يعود لـو غـاب=وأن الأمر ماعـاد هـو فـي يدينـه
وعقب غلاق أسبوع مر ومعه جـاب=أصغيـراً متـجـودٍ فــي يميـنـه
أصغيراً فـي الزيـن للعقـل نهـاب=يقـول أخـوي ومقصـده فاهمينـه
قصده يقول أن كان عندك أستيعـاب=علـي مـن هـذا ملامـح وعيـنـه
وأخذت أنـا ويـاه مـزح وتعجـاب=عقله رزيـن وكـل كلمـه رزينـه
في موقـعٍ عنـه المخاليـق غيـاب=الأ ملايكـة العـمـل حاضريـنـه
بيني وبينـه ماوقـف غيـر الأداب=أداب سـلـمٍ كـلـنـا وأرثـيـنـه
منه أحترام شعور عربيـن الأنسـاب=ومنه أحترام الرجـل نفسـه ودينـه
وبغى الوكاد وقلت هايـم ومنصـاب=حبـك ذبحنـي لعنـبـو والديـنـه
قال أستميحك عذر وأقـول لاعـاب=وش هالغـرام اللـي غدابـك بحينـه
وحلفت له وأقسمت في رب الأربـاب=منقـذ مـن الطوفـان راع السفينـه
أني معـه صـادق ولانـي بكـذاب=والـكـاذب الله لايـطـول سنيـنـه
قال أنت صادق بس سابقـك خطـاب=وأهلي فـي تـال الشهـر موعدينـه
كم له وهو ماغيـر ذهـاب وأيـاب=لاهـم براضيـنـه ولارافضيـنـه
وأن كانها تمت علـى يديـن كتـاب=وتـم القـرأن وروحـوا كاتبيـنـه
أنا تـراي أبعتبـرك مـن الأقـراب=وعلـى النقـا تبقـى صلـةٍ متينـه
ودّع وصارت كلمته تقـل مشهـاب=وأركت على كبـدي عراقـي مزينـه
وبقيت في وضعٍ تحير أبه الأطبـاب=أيست منـه وحالـت اليـأس شينـه
وأخذت وقت أحسب أيامـه أحسـاب=وقلبي علـى شوفـه تزايـد حنينـه
أحيان أقول أنشد عنه بعض الاصحاب=ويجيـك بالعلـم المؤكـد جهيـنـه
وأحيان أقول أصبر على جور الأتعاب=ورزق الفتى وأجله كتّب فـي جبينـه
وسكّت ماودي عليـه أفتـح ابـواب=للهرج مـن نـاسٍ مهـم راحميـنـه
وصبرت مير الصبر طول ولاثـاب=ومن طال صبـره يالله انـك تعينـه
ويومٍ راسي من طويل الصبر شـاب=قررت عنه أنشـد حـدى مجاورينـه
ونشدت عنه وقال راحوبـه أجنـاب=ومن قريته شّد وسكـن فـي المدينـه
قلت أيه مـادام أهلـه عندنـا يجـاب=أمـا بعيـد الفـطـر والا بحتيـنـه
قال أهله معه أرحلـوا قلـت ياشـاب=يعـنـي لازايـركـم ولازايريـنـه
قال ايه مير أنسـه والايـام هـراب=تطـول وتنسـي ظنينـن ظنيـنـه
قبلي وقبلك خلت أصحـابٍ أحـزاب=وكم فرقـت بيـن الختيـن وختينـه
ماعاد في شوفـه طلايـب وطـلاب=تـرى ماعـاد الا يـدرج جنيـنـه
وش تطلبه وحباله في يديـن قضـاب=أحـذر لاينصبلـك زمانـك كمينـه
قلت الرجال أمفتلـت روس الأشنـاب=لقسى الظـروف حسابهـم حاسبينـه
وأقفيت من عنده على الغلـب غـلاب=أكّن غيـض القلـب وجحـد ونينـه
وأعلنت يأسي وأنطوت صفحة كتـاب=مـن البـدايـه للنهـايـه حزيـنـه
وأقـول يالله لاتبـارك بالأسـبـاب=اللـي رمتنـي بيـن حبـه وبيـنـه

راكب اللي كـن زولـه زول ذيـب=أن نطحتـه وأن قفيتـه مــن ورى
وأن عرضلك قلت مابلوصف ريـب=جنب ذيـبٍ لاحقـه جـوع وعـرى
شاصيه تصميـم لاندكـروز جيـب=مايبيعـه مـن شـراه أليـا شـرى
مايهـمـه لا نـفـود ولا قلـيـب =ولا الطلوع اللي مثل طلعـت كـرى
لا أهمزوا قير أدبلـه جالـه نحيـب=مثل من ميتـه علـى بالـه طـرى
ناحل الأطـراف تصميمـه عجيـب=من سمـاح الـدرب مشيـه بختـرى
كن جـرات الربابـه فـي السبيـب=صوت ماطـوره أليـا منـه سـرى
نحّروه الليـل مـع وقـت المغيـب=الثنين اللـي علـى العـزا أقصـرى
ماعليه الا صحيـبٍ مـع صحيـب=بالملـح والـزاد والطيـب أخشـرى
ماعيهم مـن بسيـط ومـن صعيـب=في الدروب وفي المحـلات أخبـرى
ودهّــم مايمـرحـون الا قـريـب=مـن مكانـن كـن لاجـوّه أومـرى
من شعيـب يحدرونـه مـن شعيـب=والفظـا مشمـوس والديـره ثـرى
ديـرةٍ ربـي للأهلهـا مستجـيـب=كل وادي من فضـل ربـي جـرى
جوّها من صـادق الوسمـي عشيـب=للحبـاري والقطـا فيـهـا حــرى
نبتهـا يفـوح كنـه فـوح طـيـب=ماتصـدق باللـي عيونـك تــرى
والله أن عمـاس راسـي مايطـيـب=ولا يطيـب الـزاد ويلـذ الـكـرى
غيـر لرقبـة النبـا مثـل الرقيـب=ونمت فيها أيـام لـو شـح الـذرى
وفي الخصوص أليا صدف جوٍ رهيب=وقمت أدوج من الفياض الى القـرى
فوق جيـبٍ كـن زولـه زول ذيـب=أنـه نطحتـه وأن قفيتـه مـن ورى

الاستاذ فيصل المسعودي

بيض الله وجهك على هذا النقل

والله ان اختيارك لشاعر لافي الغيداني

ينم عن ذائقه شعريه عاليه جداً ومنصفه في حق الشعر

قال اهله معه ارحلو ..قلت ياشاب..!!=يعني لازايركم ولا زايرينه