اعضاء هذا المنتدى الشامخ امل منكم قبول اعتذاري عن قلة المشاركات
واقدم بين يديكم هذه المتواضعه عسى ان تنال اعجابكم واستحسانكم

القلوب انظاف والخطر وسيعه = ما حصل من ضيق مقضياً علاه
ما قبلنا للنمايم والخديعه= من مشى بالدرب هذا مانباه
اعرف الاذ.. واعرف الطليعه= كل واحد عارفين ٍ مستواه
والضعيف الي ملك نفساً وضيعه =خابرً قصده وعارف مبتغاه
نشري الصاحب ولايمكن نبيعه= نقبل الزانه وندمح له خطاه
من ثبت لي فالقسى شدة صنيعه= نحفظ احقوقه ولا نجحد وفاه
والخسيس الي يروج للقطيعه=خايبن عندي ومقطوعاً رجاه
فاهمينً فالمراجل و الشريعه= واجزم ان الكذب مقطوعاً مداه
نترك الشكات سداً لذريعه= والمقفي ما هرجنا في قفاه
مالكً نفساً عن الشينه رفيعه=وكل رجالً يدوج في هواه

المشاركة الأصلية كتبت بواسطة عبدالله الجـــذع (المشاركة 690665) نترك الشكـات سـداً لذريعـه...والمقفي ما هرجنـا فـي قفـاه الله اكبر الحنتوشي صح لسانك مليون يالغالي غنيمه بعد طول غياب ونرجوا انها اخر الغيبات يارب ننتظر جديدك يالغالي محبك .,

الجذع مرورك شرف للقصيده وصاحبها

والظروف اتحكم والله مهوب ودي اغيب عن هالرجال الطيبين

فواز الروقي

صح بدنك
والله يرفع قدرك

نشري الصاحب ولايمكن نبيعـه=نقبل الزانه وندمـح لـه خطـاه
من ثبت لي فالقسى شدة صنيعه=نحفظ احقوقه ولا نجحـد وفـاه