سلامي وراعي الحفل مشكور مشكور = دعانا على حشمة وطيب وكرامة
يا وصل العطياني قبل يبدي النور = تبانا نجي في نجد ولا تهامة

هلا والله بشعارنا الي لهم دور = بعد جابهم ربي بكف السلامة
صحيبك معه محزم وبندق وناظور =يصيب الهدف قدام يفرد حزامه

ما ينزل بسوق الاسهم يكود هامور = ترا بحر الاسهم فوق تسعين قامة
لو ان المراجل تنفع العمي والعور = تمرجل شعيل الي تراقل عضامه

نعرف البحر مايقطعه كل بابور = كلامي هذا حطه براسك عمامة
بغوا يصنعون العش شهادة الزور = لكن الهوا روح بعش الحمامة

على الدين ماعاشرت في شهر عاشور = وبكرة على المخطي تقوم القيامة
ضعيف البخت لو شال سبحة وباكور = مصيره يوقع فوق ريع الندامة

ابوزيد شاف الشيخ غاضب ومقهور = وسوا براسه مثل راس النعامة
ولو يعطي المعذار ماهو بمعذور= اكلها وصارت له على الخد شامة

فرحنا بعد ما طاح ناصر ومنصور = تحسب المواقف ضحكةٍ وابتسامة

المشاركة الأصلية كتبت بواسطة عبدالله الجـــذع (المشاركة 690473) محاوره رائــعه صحت ألسن المبدعيـــن وعسى الله يوفقهم محبك .,

المشاركة الأصلية كتبت بواسطة بدر الكريزي (المشاركة 690576) "" صــحت ألسنتهم .. كيف ما تعجبنا وهي بين وصــل و سلطــان .. و وافي اللي كاتبها .. عاافاك الله .. ""

المشاركة الأصلية كتبت بواسطة الباااسل (المشاركة 690582) لاهنت ويعطيك العافيه

المشاركة الأصلية كتبت بواسطة /عبد العزيز الجذع/ (المشاركة 692001) مبدعيـــــن... وكلاهما يتواجدان في هذا المنتدى.. صحت السنتهم.. والف شكر يالغالي على هالمجهود المميز.