قصيدة فيها من العذوبة والروعة الشيء الكثير

للشاعر العذب/

مـحـمـد الـسـبـيـعـي

القلب قلبك .. والمشاعر مشاعرك=إجرح وعذّب ياحبيبي حلالك!
غالي ولو تخطي على القلب .. عاذرك=سوّ الذي يرضيك .. واللي في بالك!
خابرني ميّت في غرامك .. وخابرك=تموت في حبّ التملك .. وأنا لك!!
إن كنت صاحي .. مع خيالك أسامرك=وإن نمت .. في حلمي يجيني خيالك!!
يعني على كيفك .. وذوقك .. وخاطرك=أجيك أنا كلي .. وكلي فدالك!!
أموت في غيضك .. وعقدة نواظرك=وأموت في صدّك .. وأموت بوصالك!!
وأموت في همسك .. ليا جيت أحاورك=وفي دهشتك .. لاقلت أدوّر بدالك!!
وأموت لاشع الضيا بأجمل صورك=وأغيب معها .. وألتهي في جمالك!!
وتقول وش رايك؟؟ وأقرّب وأشاورك=أنت الله أعلم وش نهاية دلالك؟!!
ياأني بموت وبندفن في محاجرك=أو يمكن أحيا .. وأنهبل في هبالك!!!
وتضحك .. وتفرج بالسعاده سرايرك=وأنا على ضحكة شفايفك .. هاااالك!!
ذوّبتني مابين ملحك .. وسكرك=وأهديتني قلبك .. وروحك .. وحالك!!
أقدّر جهودك في حبّي .. وأقدّرك=وأسكّنك بين الحنايا لحاااالك!!
ومنّي جزيل الشكر .. والقلب يشكرك=على سموّك يالغضي .. وإكتمالك!!
سبحان من كمّل وصوفك .. وصوّرك=وخلاّ مجالي يندمج في مجالك!!
إن غبت عنّي قمت أهوجس وأدوّرك=وأنشد عن ديارك .. وأجي وآعنالك!!
وإن جيتني برضاك .. ماجيت مجبرك=يامرحبا .. والقلب فزّ ودعالك!
بس أنت تكفى دامني صرت شاعرك=إن غاب زوولك .. لايغيييييب إتصااااالك!!!

المشاركة الأصلية كتبت بواسطة عبدالله الجـــذع (المشاركة 688938) قصيـده لايختلف أثنان في جمالها وعذوبتها وروعتها فيصل انا من متابعينك الف شكر لك على نقلك الفايف ستار محبك

المشاركة الأصلية كتبت بواسطة وافي الخماش (المشاركة 688990) صدقت يا عبدالله فعلاً ذائقة مميزة ..