سالت دموعك يالقلم فوق الاوراق=وضاعت حقوقك بين ضعف الخليقه
دمعة تهز الارض لا جات تنساق=لجل التراث ومن سعى في بريقه
دام الورق للرسم والحبر دفاق=وش غيّر الواقع ووجه الحقيقه
الشعر ديوان العرب شمسه أشراق=يبقى ولــو أنه تعثر نفيقه
ترسم له الشّعار لوحه من أشواق=تعبير صادق ما انحرف في طريقه
يتعب على الفكره ويبعد لها أفاق=وتظهر على الواقع زهور الحديقه
هذا هو الشاعر وهذي هي الباق=تفصيل موجز قبل بحث الرقيقه
ناس(ن) تسمى بالحداثه والاحداق=تسعى على كره الشقيق لشقيقه
الشعر مابه شي يبنى على اخناق=والاّ على صوت الزفير وشهيقه
يامدعي بالشعر يا طاق طرباق=مالك ومال الشعر جنب طريقه
ياكثر ما شافت عيوني من أخفاق=فالساحه وكل(ن) يميدح رفيقه
داسو على الساحه وباعو بالانفاق=أحد(ن) شرى والّي سرق له وثيقه
تناقل الاخبار من سوق لأسواق=والعين ملت والصدر فيه ضيقه
ماتت على أيديهم معانيه وش باق=غير الكفن يدفن صديق وصديقه
لاكن على الله يالبحر صمتك أعماق=وأعماقك أكبرمن جروح(ن) عميقه
يبقى الشعر في ساحة المجد براق=دام القلم يكتب ولا جف ريقه
أشتاق وأتعب لجل عينه ومشتاق=مشتاق وأشواقي تزيد التغليقه
وأنا كتبت الشعر والشعر نطاق=من عادتي أقطف شذاه ورحيقه
وألّي أحترق خلّه على كف حراق=لو يعتبر ما راح جوف الحريقه
الشعر ديوان العرب شمسه أشراق=يبقى ولـــو أنّه تعثر نفيقه