جرحٍ له عاميـن بصـدر مخفيـه =خوفى من العـذال بعينـى تشوفـه
وليا سئلنى عاذلى قلـت مـا فيـه =وقتى معى صافى ولا شكى اظروفه
واليوم جرحى ثار ولا اقدر اهديـه =وكلا قراء بالعين بصمـة احروفـه
جرحى انا ياذيب ما حـدا يداويـه =جرحى لجا بين الحنايـا النحوفـه
جرحٍ صغير اليـوم كثـرت بلويـه =وكرهت انا مغزاى وليت النكوفـه
طيرٍكفخ بالجو ثم قمـت داعيـه =عريان لحمـه والكواسـر تحوفـه
طلعـه بعيـد وراح منـى متقفيـه =عينه على الطلع المقفيـه شغوفـه
برقٍ لمع والمزن تبنـى منـا شيـه =يبرق ومن تحته ريـاح(ن) عصوفـه
قام يتعـزل والرعـد فـى مباديـه =ومن قـو رعـاده تباكـت كنوفـه
ومطر برد من نار للوجـه تشويـه =شوه وجه الطير وحـرق اكتوفـه
والزرع مات وفلست يـد راعيـه =وصبح يفرك ويشتكى من جحوفـه
والماء عن الشراب جفت مراويـه =وجفت ابار العـذب مابـه نطوفـه
بالله كيف الجرح انا اليـوم بحويـه =مادام كبر الجـرح وقلبـى يلوفـه
ياليت من يسمع لجرحى وانا اشكيه =ويعطى وصفة طب توقف نزوفـه
حلمى غدا والجرح بانـت مواريـه =وبانت على وجـه المعنـا كسوفـه