فيـــــه عـــلمٍ بيـــني وبيــــن إبن عمــي طـــلال
 

فيـــــه عـــلمٍ بيـــني وبيــــن إبن عمــي طـــلال
..............................................علم بين إثنيـــــــن والناس ما تدري عنـــــــه
شفـــــت وسمـــك يابن ثعلي على ارقاب الجمال
..............................................شاهد ك بيـــّـــن ياليـــــت العمــود تبـــيـــنه

الحر الاشقر متميز دائما بطواريقك

متابعين لكم طال عمرك وننتظر ابن ثعلي

ويالله انا في صفك يالحر ولايهوون طلال

تحياتي
العتيبي

أخوي al_otaibe وجودك معنا شرف لنا وإعجابك بنا فخر ووسام لنا طال عمرك

ولا هنت والله يحييك،

ووقوفك بصفي شرف وفخر لي وأبشر بعزك إنشاء الله.

والله يجيب طلال ويمتعكم أكثر ويبسطكم ِأكثر .

ومره أخرى لا هنت

أخوك الحر الأشقر

اولا:السلام عليكم ومن العايدين بعد بعد الزحمه

وكل عام وانتم بخير..

والمعذره يالحر الاشقر ولايهونون الربع.

والله اني مادخلت النت من قبل الحج.

ماصدقنا على الله نفتك من الاختبارات ..

واستلم:

ياولد عمي تكلم بعد جبت المجال
والكلام اللي يجي من طرفكم نظمنه

ماغدالي في ديركم جمل يبن الحلال

لاتقول انك لقيته ووسمي فايمنه

أولاً من العايدين جميعاً بعد الزحمه وكل عام وأنتم بخير.
وتقبل الله منا ومنكم صالح الأعمال.

ياطــــلال المـــرجلة شف شعوان العيال
.................................والولد لن ما أهتــواها عسى الله يلعنه
وسمـــك يسار المطيـــــه ولافيـها جدال
.................................العمـــــود يــــلوح في كــل دارٍ تقطـــنه

ياهلا.

وكل عام وانت بالف خير


المراجل ماتجي بالعمامه والعقال

........................................وكل شاعر يبدع القاف ويصوغ لحنه

ابن ثعلي مايعنيه براق الخيال

.....................................المحاني ديرته والمحاني مسكنه

أبشر إنا محتمـــــين اللـــزوم بكــــل حال
.....................................الرســـــن بـــــيديـــننا والركايب مرسنه

خابر إنك فالمحاني وعنـــــدك راس مال
....................................مير عطنى علوم عن نجد من جاكم منه

الحر الأشقر طلال الثعلي

واصلوا يا مبدعين

ترانا متابعينكم



وازهوا الصفوف

يالربع


وخالص تحياتي للجميع

كل عام والجميع بخير ...
كل عام وأنتم الإبداع الحقيقي...
لاهنتوا ...
واصلـــوا ونحن متابعون ...



تحيااااااتي.