الهيـــــــــــــلا *** منتدى قبيلة عتيبة - ســــــــــلطان لاتهتم وانته عتيبي

لا هنت يالغالي شاعر نعم قادم بقوة وتكفيه شهادة الاعلام مستور العصيمي وجارالله السواط بأنه خليفة مطلق الثبيتي ..

ويكفيه شهادة سلطان الهاجري ..

وعساكم عالقووة 11 وهذه بعض محاوراته..

اقتباس:

المشاركة الأصلية كتبت بواسطة وافي الخماش (المشاركة 654685)

سلطان المنصوري

من ضميرٍ معه للعرف هجرس وغنى ** يا سلامي على بيت الشرف والمهابة

يالـمطـيري نـخـيل البرق منا منا ** واخر العلم مدري سلم ولا حرابة

زيد العضيلة

من ضميرٍ ليا منه لقى ما تمنى ** مرحبا يا هلا يا اصحابنا يا عتابة

هدرتٍ من جملكم ما تخوف جملنا ** البعير الصغير صغير ما شق نابه

سلطان المنصوري

يا بن سلمي من امس انقوللك روح عنا ** مار فيكم عواجة مثل قوس الربابة

المراجل ترا من قدرنا في صحنا ** واعذاب الغشيم المعتدي واعذابه

زيد العضيلة

مالنا عنك صدة جابك الله النا ** السنع خابرينه والخطر ما نهابه

زادكم في صحنكم وانبغيناه اكلنا ** ناركم لا تحرق قدركم يا شبابة

سلطان المنصوري

كيف منكم نخاف وسيف جدي محنى ** سلته في يدّي ويديني نصابه

اه لو شامنا مد الحبال ليمنا ** مات ذاك البعير ومات راع العصابة

زيد العضيلة

انت منت بردئ لكن تدرى زعلنا ** ان زعلنا حصلك علم كلٍ درابه

اه يا ليتها صارت وسقنا ضعنى ** نعرف الي حضر بثياب ماهي ثيابه

سلطان المنصوري

لا رضاكم يهم ولا زعلكم شحنا ** ذيب واخذ نصيب مع عيال الذيابة

اعرف اني رجل في لازمي ما تونى ** علم الي على غير السنع صك بابه

زيد العضيلة

كان ما هو بهمك لا تحرى جهلنا ** كل كف يطول نخضبه من خضابه

لا نصيب يقوم ولا بيوت تبنى ** ذعذعي يا هبوب وخيلي يا سحابة

سلطان المنصوري

لا تحرك رموشك بعد يمك نزلنا ** لين نسقيك من عدٍ ينومس شرابه

كم حفرنا على روس الجبال ودفنا ** مار يا صاحبي من طال سقمه غدابه

زيد العضيلة

دله الهيل فاحت واسمع النجر دنى ** مار ابا اذوقك فنجالها بالنيابة

ارحم الله راس للزوم يتثنى ** عقبها الناس كلٍ شيلته في جرابه

سلطان المنصوري

فاحت الدله الصفراء بهيلٍ وبنى ** مار انا كلٍ فنجال محاسب حسابه

اقتباس:

المشاركة الأصلية كتبت بواسطة وافي الخماش (المشاركة 653593)

ابراهيم الشيخي

يا سلامي بردة على الحاضرين ** يشمل الي حظر يشمل الي حظر

يا ثبيتي لعل الدعاوي تزين ** لا نويت السفر لا نويت السفر

سلطان المنصوري

يا هلا يا مرحبا بين رمش وعين ** نرقبك من عصر نرقبك من عصر

لا نوينا السفر كل قاسي يلين ** علم اهل مصر علم اهل مصر

ابراهيم الشيخي

لا حظرنا سوا كل خافي يبين ** مجلسي في الصدر مجلسي في الصدر

انت لا تامن مروع الغافلين ** يغرقك في بحر يغرقك في بحر

سلطان المنصوري

والله اني معك من قديم السنين ** يوم ولا شهر يوم ولا شهر

ودي احوفهم من يسار ومن يمين ** ماحسبنا الخطر ماحسبنا الخطر

ابراهيم الشيخي

من تهيب صعود الجبل مستهين ** عاش بين الحفر عاش بين الحفر

لا تحسب الدعاوي مصافح يدين ** فيه موتٍ حمر فيه موتٍ حمر
سلطان المنصوري

من ضريب الشحم والسمن والسمين ** ماحسبنا الفقر ماحسبنا الفقر

الجبل لن دحمته بجنب متين ** حول اكبر حجر حول اكبر حجر

ابراهيم الشيخي

لو يضمنك واحد ماتضمن ثنين ** العمى والعور العمى والعور

ما معك فيد يا طارد ابا الحصين ** لا نهزته جـحر لا نهزته جـحر
سلطان المنصوري

العمى والعور شلةٍ طيبين ** رايهم ما يضر رايهم ما يضر

ان سلمنا من ريا بليس اللعين ** ما لحقنا دهر ما لحقنا دهر
ابراهيم الشيخي

خير لك لو تبعت الحسن والحسين ** في خلافة عمر في خلافة عمر

انشد الناس عن سيرة الاولين ** في حنين وبدر في حنين وبدر

سلطان المنصوري

متبع متبع سنة المرسلين ** ما نعبد البقر ما نعبد البقر

اقتباس:

المشاركة الأصلية كتبت بواسطة وافي الخماش (المشاركة 652248)

سلطان المنصوري
مرحبا بإسم الرجال الي مراجلهم قديمة ** من قبل عنتر وابو غانم وابو زيد الهلالي

اتهرج واتخرج في الدروب المستقيمة ** وش عليا دام حافظ مكسبي من راس مالي

ابن عياد
البقى بإسم الرجال الي يثيبون الغنيمة ** ما عليهم من عواصيف الصبى ولا العوالي

لا تدرج في البحور الي موانيها مقيمة ** وانت رجالٍ جنوبي لابسٍ مشلح شمالي

سلطان المنصوري

يا بن الحارث هذا الايام لحق السيل ديمة ** يوم نحرتوا جملنا الساحلي صم الجبالي

انظلمنا عندكم يا حب ربعك للظليمة ** يشهد الله يا بن الحارث والاقصى والموالي
ابن عياد

ياثبيتي يا عتيبي خل سمنك في يدينه ** ما نشدنا عن طعامك لا حرام ولا حلالي

ان سلمتوا وانا ظلمتوني نيتي نية سليمة ** النوايا طيبة يا اصحابنا والحظ عالي

سلطان المنصوري
ما وصلنا دارك الا بعد ما جتنا العزيمة ** واخرتها تخربون الكيف في صفر الدلالي

كيف نيتكم سليمة والعرب رجعت محيمة ** ما لقوا عندك جنيه ولا لقوا عندك ريالي
ابن عياد

ما بسطنالك فراش ولا طبخنالك وليمة ** نسحق البارود وانذر العيون ام الدلالي

يا مدورت الحرام الله نواكم بالحريمة ** اربع اشهر ياعواني قام لاليكم يلالي

سلطان المنصوري

ذر بارودك على عينك يا بو عينٍ كريمة ** والهبابيب ما تحرك غترتي ولا عقالي

والله انّ من رياجيلٍ يقودون الزعيمة ** مار جا في علمكم يا ربعنا ميل وعدالي

ابن عياد

ما يعرف السقم غير الي نوايهم سقيمة ** زادهم ملحه كثير وشربهم مرٍ وحالي

الاشدة كسروها والارانب في الهشيمة ** لو بغيناهم يصيدون الوضاحي والغزالي

اقتباس:

المشاركة الأصلية كتبت بواسطة وافي الخماش (المشاركة 642149)

سلطان المنصوري

سلامي سلام بعيدعن كل منقود**على السبل الاول والسلوم القديمة

متى يالعطياني تذعذلك النود**ويركب شدادك من على وسق ريمة

وصل العطياني

هلا مرحبا يا راعي الطيب والجود**على سلم اهلنا والسواير مقيمة

ما دام الذهب فالسوق والسلم موجود**تجيك الغنيمة لا تباطا الغنيمة

سلطان المنصوري

على غير خوة وصل ماني بمحدود**يازين الغريم اليا وقف مع غريمه

ترى السالفة ياوصل شعلة وبارود**اعلمك دام ارنبك وسط الهشيمة

وصل العطياني

ياسلطان وش حصلت من ورثةالعود**ليا ما ورثت العود هذي ظليمة

لا من الدعاوي عودت قدحة زنود**تفرج واسوي في الاعادي جريمة

سلطان المنصوري

من العود ميراثي رصاصة وعبرود**تخلي صليب الراس يضرب خريمة

نهار القيامة ياوصل يوم مشهود**يضيع عزومك ياقوي العزيمة

وصل العطياني
رصاصة ما تمري فالعدى ما بها فود**حسافة على اللي شالها في بريمه

ليا قامت الساعة ما قد جت بمولود**تحاسب وتنشد ليش ماتت عقيمة

سلطان المنصوري

رصاصي يغث كبود ويعالج كبود**وصكات بقعاء عاقبتها وخيمة

غضب ربنا واضح على اصحاب الاخدود**ولاعاد ودي يعقب السيل ديمة

وصل العطياني

تعرف اني افرح واطلب الله فالزود**عسا الله يزيدك ما نبا لك حريمة

لكنه محلّ شعيل ما سدّ مفرود**لو انه يعشى كل ليلة وليمة

اقتباس:

المشاركة الأصلية كتبت بواسطة عبد الله الحليفي (المشاركة 628172)

سلطان المنصوري

مستور العصيمي

سلطان المنصوري

مستور العصيمي

سلطان المنصوري

مستور العصيمي

سلطان المنصوري

مستور العصيمي

اقتباس:

المشاركة الأصلية كتبت بواسطة محب الهيلا (المشاركة 639119)

السلام عليكم ورحمة الله وبركاته

سلطان المنصوري

يامرحبا يازبن واللي حضر مايهون
ترحيبة طيبها من طيب مضمونهـا
يازبن سر المعاني والعرب يسبرون
اسبور من سدها واسبور من دونها

زبن القاضي

دام البقاء بالمرحب والذي يسمعون
باللي يغنونهـا واللـي يشوفونهـا
هات المعاني عساهم كلهم يفهمون
ترى اكثر الناس فيكم طيب ضنونها

سلطان المنصوري

ياللي وصلت الحرم من تحت ريع الحجون
علـوم ياعسرهـا وعـلـوم ياهونـهـا
سليم ماتـت ضمـا وهذيـل مايرحمـون
كل القبائـل علـى النعمـه يحسدونهـا

زبن القاضي

اللي يحجون ياسلطان مايستعـون
من عندكم يارفاقه وش تسمونهـا
سليم ندريبهم وهذيل لو ينفخـون
اهل الحسد مات صاحيها ومجنونها

سلطان المنصوري

مابين عذب الكلام وسلهمات العيـون
غدى زبن والامانه ضـاع مامونهـا
انا بديوي ولا اعرف شجرة الزيزفون
بالله وش لونهـا بالله وش لونـهـا

زبن القاضي

سلطان يضحك لياشاف العرب يضحكون
واهل الخيانه نشوف المكـر فعيونهـا
البدو تبغـا التطـور مـار مايعرفـون
كذا علـى طـول هرجتهـم يطجونهـا

سلطان المنصوري

المشكلة في السباع اللي تحد السنون
تحول من دون تمرتها وعرجونهـا
المشكلة في الحضر كذبان لو يحلفون
ادري بنياتهـم لــو مايبدونـهـا

زبن القاضي

الكايد احلى يابو هياف فـي كـل لـون
لاترتبك مـن سبـاع ٍ حـدت سنونهـا
امزح مع الحضر لاشفت الحضر يمزحزن
واستلطف العين لين تزين فـي نونهـا

سلطان المنصوري

الكايد احلى لاكن السر في ام القرون
ازريت لاطقها يازبن فـي قرونهـا
تعبت وانا اسبر البراق بين المزون
سحابة ٍ كـل خلـق الله يخيلونهـا

زبن القاضي

كلمتك هذي غريبه كيف ماتقدرون
انا اضمن ثبيـت والله مايقولنهـا
ارتو من الغيث مازال البدو يرتوون
وليا نتها سيلهـا لاعـاد تردونهـا

اقتباس:

المشاركة الأصلية كتبت بواسطة وافي الخماش (المشاركة 628869)

فواز العزيزي

يامرحبا عد الخيال اللي معه برق ورعد *******اللي ليا خيّل على الديره يغيّـر لونهـا
ياربعنا السلمان لاحظر الثبيتي فالوعـد ******عسى هل السيل الكبير تراقبه بعيونهـا

سلطان المنصوري

دام البقاردية( ن ) تهدى عـلاك بـلا عـدد***** من عزوة ( ن ) بين القبايل مااختلف قانونها
حنا اليامنا حضرنا قـام ابـو زيـد وقعـد **** يخاف نطحن حبته بعد استـوى مطحونهـا

فواز العزيزي

الله يستر من حضور السبت وغياب الأحد ***** ومن السباع اللي تورينا بياض سنونهـا
اللي معه حجه على غيره يجيبلها سنـد***** حتى يثبتها كما الجمرة علـى غليونهـا

سلطان المنصوري

انا ليا شفت العزيزي قلت ماشاء الله ولد ***** واثره ولد لاهو ورى الحروه ولا هو دونها

عز الله اني قلتلك لاتامن حمود وحمد *********للكن قل لاام القرين تحول دون قرونها

فواز العزيزي

أنا ولد وأبن ولد وبمنزلـه حاكـم بلـد **** ****واصل مواصيل (ن)كبار ثبيت ما يصلونها
والطرقي اللي تعب أقدامه يبي حل العقـد ****أقابله وأسمع علومه وأعرف مضمونهـا

سلطان المنصوري

انته ولد قد البلد لكن ماعندك جهد **** تطرد ورى ذيك العجوز اللي كسرنا شونها
والطرقي اللي تذكره مد الك حبل من مسد ***وده يربط بالحبل ليلى ورى مجنونها

فواز العزيزي

حنا على عز ومعزه والبيـوت ام العمـد *****ماهماتـسـوي يالثبيـتـي ماتـهـد اركونـهـا
والعالم الله وش يكون الذيب قدام الاسـد ****يوم الليالي سرها في ظهورها وبطونها

سلطان المنصوري

ابيوت ماتبنى على سيسان تبشر بالهدد *** واول دمار ابيوتكم يوم انكسر كيلونها

قلوبكم فيها صدى وعيونكم فيها رمد ***** والمرجله ماهي بضاعة في بطن كرتونها