المنزل المهجور..
 

السلام عليكم ورحمة الله وبركاته


رغم كل الضروف الي تحيط بعالمي وتدور
...............................سرجت القاف والهاجس كتبت اليوم مسراحه

على ذاك الطريق الي يمر ويلتوي بالبور
....................................رحلت وخافقي تحت الضلوع احس بنياحه

رحلت بعيد بفكاري من اسباب العنا والجور
..............................على درب الغرام الي غرس من شاني رماحه

مشيت بلهفة المغرم مشيت بخطوة المقهور
.....................................ادور للحبيب الي رحل واحرمني الراحه

رحل عن دنيتي غصبا رحل عن دنيتي مجبور
.....................................رحل ماشافته عيني بعد ماحان مرواحه

رحل والدمع من جفني على وجه الحيا منثور
.......................................ولاخلا سوا هم الزمان وغاية اتراحه

مع البيت الصغير الي بقى في غيبته مهجور
.................................له اسنين امتعشعش مالمحنا نور مصباحه

نمره لاتذكرنا سنينن روحت فالدور
..................................ونجلس جنب بابن ماسمعنا صوت مفتاحه

نحاول نرجع الذكرى ولاكن الزمن مغرور
......................................خذا منا جميع الذكريات وهبهب رياحه

زمانٍ ماصفالي وان صفى ساعه عليه قصور
.............................حرمني بسمتي واسدل ضلامه واطلق أشباحه

حرمني شوفتك ياصاحبي يابهجة المسرور
.....................................ومثلك لاحضر تحضر معاه بروق لواحه

الا ياصاحبي وانته تعرف الخافي المستور
...................................وتعرف قدرك الي في خفوقي ماحدن زاحه

تعال وردلي فرحة حياتي ياشعاع النور
..........................................تعال وقول احبك لوها بشعور مزاحه

دخيلك لاتخليني كذا عايش بدون شعور
.............................................يمر العيد ويعدي ولاحسيت بافراحه

دخيلك لاتخليني على جمر الغضا مكسور
...................................رماني حضي العاثر على الهجران ورماحه

اناماهمني في دنيتي شهره ولاجمهور
...............................ولاني من ضحايا سوق الاسهم واطلب ارباحه

انا الي جازف بعمره لجل يبقى معك مسرور
....................................نسى بن الهوى فالوقت ماله للأسف راحه


الشاعر أبراهيم الزراقي

صح لسانك ولاهنت ياطيب