محاورة بين : سلطان الجلاوي ×× تركي الميزاني
 

هذي محاورة أقيمت قبل سنتين بين الشاعرين/ سلطان بن صاهد الشيباني والشاعر/ تركي بن عطالله الميزاني
على إنها قديمة لكن عندي بعض التحفظات عليها وإن شاءالله تحوز على رضاكم.
علماً بأن الموال (((((( ياعنك ما يزعل من الحق رجال )))))))

يقول سلطان

الليل ياتركي عطالله سرى الليل
إحزم حزامك وإتعب الجيش والخيل
بيـني وبـينك زان سـوق الفـناجيل

يالمطـيري تـقدم وإحتـزم فـالـمـسير...................... والمسيرة ياتركي عاوين ذيبها
طاح من راس ضلع طويق شاعر مطير......................وعـزوته لـلأسف موفت مطاليبها

تركي


عــطنـي عـلومـك كـلـهـا يـالجلاوي
وإحسب حسابك في جميع الدعاوي
وإعـرف هـقـاوي مـبعـدين الهقاوي

فـيه للشر شر وفـيه للخـير خـير............................فـي مشاريقها ولا مغاريبهـا
مايطيح المطيري لوعظمه كسير............................مير جيب العلوم الثانية جيبها]

سلطان

أنـا علـومي يالمطيري تسرك
وأحيان ياتركي لاوالله تضرك
لـكن خـيـرك جعـله يـزيد شرك

أنت مالك عن الواقع منير ومطير...........................تشـره الـلحـية الـشمـطاء فاشانيبها
كــل واحـد بسكينة لا طاح البعير......................... وفي يدي بندقي وأعرف مضاريبها


تركي

مامنك ياسلطان غير المسره
ولا المضره منت راعي مضره
لـكن ثـوبـك بـــالأزاريــر زره

رحـت كـلك مصايب يالزمان الأخير.........................راس بقعاء تِلوى في عراقيبها
لا تنوش الخطر والوقت وقتٍ خطير.........................رد بـعـض الــثيـاب اللي تصليب

سلطان

خصمي ليا شفته نفخ في ذروبه
والله لاضـيـق قـدم وجــه دروبـــه
يـاشـاعـرن مـاعـرف تفصال ثوبه

فـي يدي ياولد ميزان سيفن شطير.......................كان نارك تلاحق في مشاهيبها
أنـت طـبعاً عن المطران جاين سفير.....................مار عينك من العتبان واشيبها
تركي

أنته شمالك يصطفق في جنوبك
والمـشكلـة ضـيقـت فوقك دروبك
والناس كـلن شـاف تـفصيل ثوبك


إبن شيبان سيفك رجعه فالجفير.........................لا تــجـيك الذيابه من مراقيبها
أنـت منـت سـفير ولا طـبعن مدير........................غـير سـبحتك فالحفلة توميبها

[ size=3]سلطان[/size]


ثوبي على قدي وثوبك مضوق
لـكـن طعـني يالـمطيري وروق
قـدام تـسري يالمـطيري معوق


أنـت مالك من سلاحي مطير ومنير......................والله إنك من عتيبة إل تسريبها
الجلاوي غناوي وأنت طبعن فقير.................... خـل عنك العصاة اللي تواميبها
[
size=3 ]تركي[/size]

مــدام ردت للــعلوم الــدقـاقــه
أنـت وأنـا مـعــاد حـنــا لافاقه
حطيت دقنك تحت موس الحلاقة

شوفلك يالجلاوي من عتيبة شوير....................أنت يكفيك فالدنيا تجاريبها[/color ]


((((( ثم غير تركي, وطلب الشاعر ملفي المورقي ))))



ادري يا اخوان ان بعضكم لايحب المحاورات:D اللي مثل هذي وانا اولكم لكن يبقى لهذي المحاورات جمهور كبـــيــــر جـدا..:D

ماعليها المحاوره

تبا الصارحه

محاوره مثل كذا مالها طعم

اصلاً حرام تسميها محاوره

بالله وش لعبوا عليه ..؟


غير ثوبي وثوبك صح ولا لا

لاتكذب على نفسك

شف الابيات كلها حشو في حشو

بس لوتجيب المحاوره تطلع احسن واحد ههههههههههههههه

ابو طامي شف اخر سطر ....

الرويس شف المحاورة قدامك...

مشكوووورين يالغالين على المرور...

يعطيك العافيه يالجذع على نقل هالمحاوره
مستواها عادي جدا
ولو تلاحظ ان الجلاوي بدا باسلوب هجومي
والميزاني يتجنبه ويسايره ويحاول يتجنب الهبوط بالمحاوره للحظيظ
وهذا دليل

أنـا علـومي يالمطيري تسرك
وأحيان ياتركي لاوالله تضرك
لـكن خـيـرك جعـله يـزيد شرك
((فـي يدي ياولد ميزان سيفن شطير))

مامنك ياسلطان غير المسره
ولا المضره منت راعي مضره
لـكن ثـوبـك بـــالأزاريــر زره
((يإبن شيبان سيفك رجعه فالجفير))

وهذا تكرار واضح للفكره وللكلمه
((غـير سـبحتك فالحفلة توميبها
خـل عنك العصاة اللي تواميبها))

سلطان اتحدى اي شاعر يجاريه الحين

ويلعب مع الشعار كلهم بالمعنى خاصتن الشعار الكبار امثال مستور وحبيب

واللي مايصدق يتابع محاوراته مع شعار عتيبه ويشوف .