سلام تسليم راقي والخبر راقي=ردية من سمعها فز من نومه
ان كان قرب من التجار زراقي=ياخذ علوم الوفا ..ويدرج علومه ..!1

يامرحبا وانت شاعر دمث الاخلاقي = في حلت ٍ ياحشيم النفس محشومه
مدام شفت البضايع وسط الاسواقي = اشتر مع الناس والارزاق مقسومه

نبا نسولف وأنا جوي معك راقي=واجواءكم ياعسى ما هي بعدومه
شبيب منكم يقولون العرب ضاقي=بالله وش لون تزعل من رفع قومه..؟!

ترا السوالف بعضها زور وانفاقي = ابليس عايش وكلن ينشر سمومه
شبيب شاعر ويرضى كل الاذواقي = من دون ربعه جنود الشر مهزومه

أبليس شفته قبل يومين سواقي=ويسوق له خردعه ع الوجه مصدومه..!!
وليا نشدته يقول القير علاقي = ومعلقه عمي اللي جيت مخدومه

ان كان شفته دخيلك بلغ اشواقي = ترا القضايا كثيره حيل مزحومه
الي يحاسب طبيعي ياخذ الباقي = والي يعيٌ ترنا نفرك خشومه