ياسلام الله سلامٍ للعوارف ، والرجال اللي يشيلون الثقيلة=ردةٍ لأهل الوفا يكمل وفاها ، يوم راع الواجبه دربه يدله
يابنوكٍ ماهي بمثل المصارف ، تشتغل وقت الأجازات الطويلة=العرب من دخلها زايد عناها ، وكل شي يزين في وقته وحله

مرحبا ترحيبتن تبدا المشارف00 كنها الفارس على ظهر الاصيله=تنتشر ف ا لارض وتغطي سماها00لين حتى تبهج الصدر وتفله
البلاد محصنه والأمن وارف00والخزينه تمتلي في كل ليله=والعرب شبعت وشب الله علاها00وكل واحد قام ينطح راس ظله

البقا ياللي تراحيبك زخارف , فوق خد الأرض عارف وش حصيله = عد مزنٍ هل ماها هل ماها , وسيلت دارن وصاله ما نملّه
الوطن مأمون والدنيا محارف , والخزينه دخلها بيع الهزيله = معظم المبيوع ما يسوى شراها , وانت يا راع المعارف هات حلّه