الغلا فالقلب له سرٍ دفون=وإن نبض قلبي بدقاته غلا
ماذبحني غير نظرات العيون=في زماني عرضتني للخلا
يكذبون الناس وألا يصدقون=مثلها عيني فلا شافت ولا
عيطموسٍ تسلب افكار الذهون=بالدلع سميتها ضبي الفلا
عودها ريان من بين الغصون=والشفايف جمرتينٍ من صلا
والخصر ناحل وضامرها فتون=وأن كلت لقمه تشبعها كلا
والردف يطوي حريرٍ له شنون=مرتخي تحته وبأسبابه علا
وصلتني بالغرام أليا الجنون=من سببها جاحدٍ كل الملا
لوتهون الناس عندي ماتهون=كل ماتقفي وتقبل ياهلا
ماعليه من كلام اللآيمون= ( المحبه ياكذا وألا بلا ) !!
وصلوا قولي لها باللي يكون=ماسلا قلب الهواوي ماسلا
كيف ابسلا عن هوى اللي ماتخون=مع دلالٍ .. بالوفا .. زايد حلا !
يالطيف الروح خذ روحي تمون=بس عطني بالغلا " همسة غلا "

ماعليـه مـن كـلام اللآيمـون=( المحبـه ياكـذا وألا بـلا ) !!
وصلوا قولي لهـا باللـي يكـون=ماسلا قلـب الهـواوي ماسـلا
كيف ابسلا عن هوى اللي ماتخون=مع دلالٍ .. بالوفا .. زايد حلا !
يالطيف الروح خذ روحي تمـون=بس عطني بالغلا " همسة غـلا "