الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   جديد الشاعر العلم / عبدالله بن عون (http://www.otaibah.net/m/showthread.php?t=73234)

وافي الخماش 26-Jun-2008 12:32 PM

جديد الشاعر العلم / عبدالله بن عون
 
http://www.al-wed.com/pic-vb/1038.gif

السلام عليكم ورحمة الله وبركاته .. =
أقدم لكم جديد الشاعر العلم/ عبدالله بن عون ..

ياللي تسوم الوضح ماهيب للبيـع=اللي يوسـع خاطـري لاتسومـه
دور وتلقى البيع عنـد الطماميـع=اللي تصفـي كـل يـومٍ بيومـه
ويش اتسلا بـه ليـال المرابيـع=لا نـاض بـراقٍ ثقـالٍ غيومـه
لاقالوا الحاشي علـق فالطواليـع=والسيل عساسـه عطانـا علومـه
بين اهجر العجمان ومطير وسبيع=عشـبٍ تفتـق للعشايـر كمومـه
عشبٍ يجيله فالمسـارب تناويـع=من قطف زملوقه ماهيب امحرومه
نبـي نخليهـا تـذب المخـاويـع=ونقدالها مقهورهـا فـي يمومـه
من قصر ابن ملحم معش المجاويع=اللي تسابـق للفضيلـه عزومـه
من سيرته فيه المدايـح مطاويـع=ومن يمدح الممدوح مااحدن يلومه
للبال عنده كـل ماضـاق توسيـع=الله يوسعلـه ويبـطـي بيـومـه
يفدونه اللـي ماوراهـم مطاميـع=جندن طرايقهم ماهيب امهضومـه
نوعيتـن مامـن وراهـا منافيـع=تجار لاشـك اليديـن امحزومـه
وضحٍ بعد مقياضهـا فالمشاريـع=ماشط من بعـد المعشـى تهومـه
لاروحت مثـل البنـي المفاريـع=وعيالها خلف الرحول امحكومـه
تنسف على ايسرها خشوم الترابيع=والعتش الاول تنزعج مع ثلومـه
ناخذ من السجات معهـا قراطيـع=لين امهموم القلب تذهب همومـه
تطرق عمايمنا هبـوب الذعاذيـع=ونلقى حياتٍ فالقصور امعدومـه
لاقربت صفـر الـدلال المهانيـع=وغدابهن لمخلـط الكيـف عومـه
في خايعٍ فيه الزبيـدي مصاليـع=والربل والملاُح كاسـن احزومـه
هذا هوى بالي وبـاق المواضيـع=النفس عنـه مقيـده وامخزومـه
والرابح اللي مدركن ذبت الريـع=وله سمعتٍ عند الرجال امحشومه

منقول=

صنديد العصمه 26-Jun-2008 12:39 PM

صح لسانه وبيض الله وجهك على هذه الرائعه

وافي الخماش 26-Jun-2008 12:49 PM

اقتباس:

المشاركة الأصلية كتبت بواسطة صنديد العصمه (المشاركة 679043)
صح لسانه وبيض الله وجهك على هذه الرائعه

لا هنت يالذيب وجهك آإبيض ..

Man من العتبان 26-Jun-2008 01:01 PM

صح لسان الشاعر الكبير عبدالله بن عون

وافي الخماش

اختيار رائع يدل على روعة ناقله ..

دمت بود

فيصل المسعودي 26-Jun-2008 01:18 PM

اختيار جزل وقصيدة جزلة

وذائقة جزلة بلا شك

شكراً لك ياغالي

على هذا الإنتقاء

وصح لسان العلم ابو نايف

تحياتي

اخوك

فيصل النفيعي

وافي الخماش 26-Jun-2008 01:29 PM

اقتباس:

المشاركة الأصلية كتبت بواسطة Man من العتبان (المشاركة 679071)
صح لسان الشاعر الكبير عبدالله بن عون

وافي الخماش

اختيار رائع يدل على روعة ناقله ..

دمت بود

لا هنت يالذيب منور ..

وافي الخماش 26-Jun-2008 01:30 PM

اقتباس:

المشاركة الأصلية كتبت بواسطة فيصل المسعودي (المشاركة 679096)
اختيار جزل وقصيدة جزلة

وذائقة جزلة بلا شك

شكراً لك ياغالي

على هذا الإنتقاء

وصح لسان العلم ابو نايف

تحياتي

اخوك

فيصل النفيعي

منور يا فيصل الله لا يهينك ..

محمد العتيبي 26-Jun-2008 08:08 PM

دائما وافي ياوافي ..
احسنت الاختيار ..
وصح لسان الشاعر العلم : عبدالله بن عون ..

فهد النفيعي 26-Jun-2008 10:51 PM

قصيده رائعه ...


لاهنت ياوافي...

عنتر زمانة 27-Jun-2008 02:42 AM

صح لسان قايلها

مشكور على النقل


الساعة الآن »09:56 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd