لو عيوني تذرف الدمع وتكضّه=
وش يفيد العين من كثرة بكاها =
السبايب كلها جادلٍ غضّه =
جلّ شان اللي خلقها وسواها=
يا ذهب يا عقد مرجان يا فضّه =
درّةٍ لا جيت أوصف حلاياها =
يتعب السباح في الموج ويخضّه=
يمكن الدرّه ورا الموج يلقاها =
إن لقاها قالت الناس من حضّه =
وإن غدت تصفق يمينه بيسراها =
ذكريات العين يوم الشعر قضّه =
وبان بدرٍ مكتمل في محياها =
في ملمٍ وسطه الناس مكتضّه=
حارت الاقدام عيّت تعداها =
قمت افرّك راس الابهام واعضّه=
لحظةٍ لا يمكن الفكر ينساها =
ما يلام القلب لو جضّ له جضّه =
كل ما يطري على البال ذكراها =
مض سيفك يا مليح البهى مضّه =
خل عين السحر تكثر ضحايها =

أنا كل ما ودعت همٍ مضايقني=
عرض لي خيالٍ فيه رعاد وبروقي=
خيالٍ سنا برقه مع الليل يرهقني =
يعيّد لشوفه راعي الضان والنوقي =
عبير الخزامى دوم سيله يعانقني =
ليامن بانت حمرت الشمس بشروقي=
وقمت اتذكر من عذابه يلاحقني =
عشيرٍ على سر المحبين ما ثوقي =
ثلاث اسنوات وطيف زوله مرافقني =
وأنا فيه قلبي ما أستمع هرج مطفوقي=
ولو من فراقه طارق الهم سايقني =
على واحدٍ يرمع له القلب ويتوقي =
لكن افتخات الشمل والبعد عازقني =
هنا الجسم وإلا عنده القلب مسروقي=
اكايد همومٍ داخل الصدر تخنقني =
ولا أبدي بسر حافظه جوف صندوقي=
سبب واحدٍ يومني اهرج يسابقني =
بهرجٍ يبثه للملأ عكس منطوقي =
أساليب عنده داخل الموج تغرقني=
يروّج بضاعته غش في داخل السوقي=

يالعين وش بك لحب السهر مشتاقه=
سهرٍ تعدى ورا المعقول ما طيقه =
لاجيت ابا النوم مشف له ومفتاقه =
حل العنا في ضمير صايبه ضيقه =
وثارت عليه الهجوس وبعثر أوراقه =
ما بين حاضر وماضي ناشفٍ ريقه =
إلى ذكر من حدانا البعد لفراقه =
حيٍ صميم الحشا فتح صناديقه =
شخصٍ نفل جملة الخفرات باخلاقه=
وليا عطاني عهد يوفي مواثيقه =
يا زين سهمك بقلبي عالج أوراقه =
تراك تليت قلبي من معاليقه =
أسير عين على العشاق فتاقه =
عين أشقرٍ للعشا فكوا مسابيقه =

الا يا مل قلبٍ فيه سجه=
إلى هوجست مدري وين أوجّه=
همومٍ كل ساعه وارداته =
الا يا منجي الغرقان نجّه =
طلبتك يا إلهٍ من لجابك =
تبيّن له بوقت الضيق حجّه=
يقوله واحدٍ من زود همه =
معنيه القدم دايم يسجّه =
يشوف اليوم من وقته غرايب=
يجي للجم مطفوقٍ يرجّه =
هبيلٍ لو يجي والجو صافي =
لزوم الجو يظهر فيه عجّه =
ياللي تلم علومٍ ما تصدق =
وهرج يجمعه سمعك يصجّه=
وتبريرٍ لما ينطق لسانه =
عليه الدين ملزوم يزجّه =
ضعيفين العقول يصدقونه =
يلمع قدمهم بابٍ يفجّه =
وعن ما قلت شايفةٍ عيوني=
وراع الصدق من يقدر يحجّه =
ولون البحر قدم العين صافي =
لكنه ملح من يقدر يمجّه =
أنا ما خص مخلوقٍ معين =
لكن السيل ما يخطي مدجّه=

منـقــول=

كل ما يكشفلي البرق من غر المـزون=
اتذكر واحـد مـا خلصـت لـي نيتـه =
واحد عرض عليه وهو يمشـي بهـون=
مستحيل أقارن البيض مـع شخصيتـه =
ناثر شقر الجدايل على هـاك الملتـون=
واعذاب المغرم اللـي يصيـر ضحيتـه =
والله اني من هواء الزين صابر ومغبون=
لو قطع بالوصل مـا نقصـت شعبيتـه =
واهني السالي اللي بعيد عـن الحـزون=
كـل مـا حصـل مقيـل ينـام بفيتـه =
ما كواه البعد والقرب مع هيم البطـون=
لين يبطي مـا يحصـل عـلاج لكيتـه =
كل شيء يهون غير المفارق ما يهـون=
قاله اللي عارف حسنتـه مـن سيتـه =
يا نعيم العود خلك علـى قـد الضنـون=
الوصل كالسيل يحيي العـروق الميتـه =
يا عبير الورد لا فاح من فوق الغصون=
ارحم اللي لا بغا الوصل تصعـب جيتـه =
انتهت كل الوسايل يـا كـود التليفـون=
تنعش الولهـان نغمـات مـن برقيتـه =
اخذ الاخبار واهل الحسد مـا يسمعـون=
كـل منـا بالكـلام اخــذ حريـتـه =
عقب وقت فات نحضاء بشوفٍ بالعيون=
واستمع هرجه بشافيـه عقـب تحيتـه =
في عذابي يا دعج العين غيرك ما يمون=
دام زولك فـي خيـال غديـت رعيتـه =
صابني ما صاب زيد المطيري من طعون=
مشرف للموت عانـه يشيـل اوصيتـه =
اسرفوا به عالم لا ولو مـا يرحمـون=
وان سلم ما مات صاب الخلل عقليتـه=

كل ما جاءهم وليـن قلبـي لـه زبـون=
كـل لليـل ويـوم مستقـبـلًٍ طرقيـتـه =
في هموم وفي شقى والسهر محفي الجفون=
صار ملكـي واعنـا اللـي نقـل ملكيتـه =
يرقدون الناس وهـل الهواءمـا يرقـدون=
والهواء في أهل الهواء بينـه مـا ريتـه=
اتصبـر وتجـبـر وحـكـم الله يـكـون=
ترجمي يا حساس قلـب العنـاء للنحيتـه=
يا حمام الـورق غنـي بزينـات اللحـون=
وانعشينـي مـع هـوا ذعذعـة غربيتـه =
من تولع بالهـواء مثـل شيـال الديـون=
ومثل دومين نقـل خـوف مـن دوميتـه=
تـل قلبـي بالغـلا واحـد قلبـه حنـون=
والغـلا مـن بيننـاء، حافـض سريتـه =
ما يخون الحب لـو كـل عشـاق يخـون=
دارس حكمـه ومختـص فـي شرعيتـه =
لا نظر يمي رمـوش العيـون يترجمـون=
واعرف اللي داخل القلـب مـن نظريتـه =
ونعشت قلبي بهمسه وضحكه من السنون=
وصرت أنا مجنـون ليلـى وهـي جنيتـه =
كل ما جابوا مجاله مـا بيهـم يسكتـون=
من غلا في القلب كبر السماء والرضيتـه =
وزاد همي شاعر هـز سلـك المكرفـون=
ولا نلـوم الروقـي اللـي فقـد روقيتـه =
اخـذوا قلبـه وراحـوا يبيهـم يرجعـون=
ايتـرجـاء واحــد دايــره حوليـتـه =
افطروا بك يالذيابـي وراحـوا صايمـون=
وصرت مثل اللي يقولـون فيـه وخيتـه =
صابكم ما صابنـا وانتـم أول تضحكـون=
راح يغلـي مـخ راسـك تحـت طاقيتـه=

المشاركة الأصلية كتبت بواسطة كاسر البرقاوي (المشاركة 681287) جهيم الذيابي متميز كما تتميز ياوافي في الاختيار

المشاركة الأصلية كتبت بواسطة ابو فايح (المشاركة 681317) شاعر جزل شهد له الكثير من الشعراء ولكنه مظلوم اعلاميا وما اكثر المظلومين من الاعلام لاهنت يا وافي على النقل الرائع

المشاركة الأصلية كتبت بواسطة /عبد العزيز الجذع/ (المشاركة 688502) الله.. قمة في الجزالة.. صح لسانه.. والف شكر يالغالي...