يالله يامعبود حكمك رضينا
 

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله يامعبود حكمك رضينا = نرضى بحكمك في صبر وامتثالي

أمرك نفذ مابين كافٍ ونونا = هز الضمير وصار فيه اختلالي

ترحم عزيزٍ عز شوفه علينا = وتجبر صواب اللي فقد شوف غالي

ياسعود من شوفة صغارك بكينا = والا انت يبكيك الحصى والسيالي

جانا الخبر في ساعةٍ مادرينا = وحل الفراق وجات سود الليالي

حي السمي ياسامي بكل عينا = فخر الرجال اقفى على كل عالي

ياقبر جاك مهرج الغانمينا = اللي على وضح النقا والعدالي

جاك الصديق مكرم الخاطرينا = جزل الوفا والطيب دسم السبالي

يالله طلبتك رحمتك يامعينا = ماغيرك ارجي يامجيب السوالي

تغفر دنوب المسلمين اجمعينا = الحي واللي فاللحود الخوالي

[/poet]

صح لساااانك...
قصيدة على الرغم من شوب الحزن...
إلا أنها مفعمة بالجمال...
رحم الله أموات المسلمين....






تحياااااتي.

الأخ الغالي سعود تحية عطره ملؤها الورد والياسمين بصراحه قصيدة مؤثره

تفيض أسى وحسرة وألم وهذا شعور كل إنسان يفقده القدر من يحب

صح لسانك ولن يكون للشعر تاثيرا في النفس الا اذا كان صادرا عن إحساس

صادق

تقبل تحيات / أبو دانه القثامي

سعود

صح لسانك..

وقصيده معبره ومحزنه..

اعانك الله.

ورحم الله سعود.

تحياتي...

صح لسانك أخوي سعود
قصيدة مؤثره

[c][gl]و تـــقــبـــلـــوا تـــحـــيــــاتــي[/gl] [/c]

الاخ سعود

قصيده تستحق الثناء

رحم الله الفقيد واسكنه فسيح جنان النعيم

لك اجمل تحيه عزيزي سعود

أشكركم جميعاً على التفاعل . . ولكم مني أجمل التحايا .