الهيـــــــــــــلا *** منتدى قبيلة عتيبة - حزام العصيمي وملفي المورقي

أنقل لكم محاوره جمعت كلاً من

حزام العصيمي وملفي المورقي

حزام

سلام الله سلاماً هيبته تبقى مع الايام = على روس الرجال اللي تغلَق في لوازمها
الا ياملفي الروقي تقدّم والوعد قدّام = مايبدي فاللزوم امن الرجال الاّ مقادمها

ملفي

هلا يامرحبا ترحبيةً تبقى مدى الاعوام = فلان يقولها للناس وفلان يتسلّمها
تنّصيها اليمن ولاّ تنّصيها ربوع الشام = ترا معك الرجال اللي جويداتن محازمها

حزام

درانا بالعلوم التاليه في نشرة الاعلام = أشوف السالفه صارت هدف كلاً تغانمها
نبى نبني مع الباني ولا نهدم مع الهدًام = هذا قول الرجال اللي قويّاتن عزايمها

ملفي

بعد ماجفّت اوراق الكتاب ورفعت الاقلام = ليا شفت القلوب المستريحه لا تعلّمها
انشّد وين راح حزام مدري وين راح حزام = أخاف إنّ الليالي حطّت الرجّال في فمها

حزام

يوزّعها موزّعها لكنّه لخبط الارقام = عليه الله وكبر ماتثبّت يوم يقسمها
حزام بخير ياملفي ولايِقهر ولاينظام = عيون يذرّ فيها الملح وعيونً مكرّمها

ملفي

ترا ياصاحبي من قام فالماجوب ماينلام = تعرف القوم دون حقوقها تنطل عمايمها
منوّل تشعب السابق من الطايف ليا الدمّام = لكن اليوم وش علمك معقّلها وخاطمها

حزام

لا وان المرجله بالبشت ولاّ غترة البسّام = كثير من العرب بعلومها تكبر غنايمها
انا ماجود فالماقف بجنبيه وحد حسام = واظن ان المطيه وسمي المعروف واسمها

ملفي

تعرف ان التغطرس والتعالي مانفع صدام = يبى يطاول كبار القوم واصبح من غنايمها
أثر حلقك بعد طول السفر ماعاد فيه عضام = لكن اللي غدت من واحداً ماهوب لازمها

حزام

ترا صدّام في ماضي زمانه روّع الحكّام = على الشيعه رماه الله والعدوان هازمها
ترا ماني بقابل كرمةً تعطى بدون ايدام = تحلًلها اليدين القاصره وانا محرًمها