أنا وين بلقى الصاحب اللي يسر البال =حميد السجايا صحبته ما يغيرها
تعبنا مع أصحاب الطمع وأهل قيل وقال =ما دام ان هذا مبتداها وش آخرها
وثلاث من الحاجات تتعبك يالرجال =خصوص ليا جت عند من لا يقدرها
ليا اعطيت صاحبك الثقه والغلا والمال =وجيت وجحدك وقال ما نيب خابرها
تصدق تكذب ما معك من تعبك ريال =غدابه رياجيل ضعاف ضمايرها
فلا دارت الدنيا وجاء من طرفك إهمال =فحاجه ورى ظهور العرب لا تدورها
أخذ عبرة الأصحاب ويحلها الحلال =على شان مره ثانيه ما تكررها

مرحبا ترحيبة مثل العسل ما هيب مره =وإن ابن عياد عاش الرجل وتعيش الاسامي
الآدمي في حكم ربه ينفعه والا يضره =من يقوم بواجب الله يدخله باب السلامي

البقا واللي يحوف المعرفه لله دره =يا رجال ضيفهم محد جفاه ولا يظامي
ليش يا ظافر تجيني فالعقيق وفي مسره =ما تشوف الموت قدامك وصفري في حزامي

صاحبي مصلح تحدانا كفانا الله شره =ما درى انا لا طعنا الخصم نوصلها العظامي
كف رجلك للسهل قدام طبلون المحره =لو يصكك حيد تسهر طول ليلك ما تنامي

جر يا ضبيان حبل المشكله فوق المجره =تدعي بالدين وانته لا صلاة ولا صيامي
لو دركسونك يصلب جاه أبو عنتر وفره =حن يا جيب العنا للبيت والا للدوامي

عام الأول شفت لك في ديرة الأجواد جره =لا نقول انك بري ولا نقول انك حرامي
لو نفتش في جيوبك يمكن ان فالجيب صره =والعرب في خير ما تبغى رصيدك يالتهامي

فيك خير وفيك شر ونيتك حلوه ومره =وإن وردنا الماء شربنا وأنت يا مسكين ظامي
أما أنا شفت السباع وجا لها في الأرض صره =والذي يطلب سلف من عند عمه ما يلامي

والله إنا ما نحط الشده الا فوق حره =وإن هدر سمحان نيخناه جعله للهيامي
كانها عند المعاند ما معك مثقال ذره =إن زعلتوا وإن رضيتوا حدكم منكم وشامي

القلوب السليمه ما تورد على منبع دناس =بآتهيض مع الشعار والزير والدنيا دنيه
وأدري ان القلوب اللي على حق ما قرت لحد =والمعدات لا غنت على احدى النوايف راح لين
يالبيب العقل لاتمشي الطرقه اللي ما تامنها =والا شب القبس حتى يذوب الحصى تحت الصلي

يالله يا خالق الدنيا وناس تجي من بعد ناس =وجعل الآخره دار بها الفوز والدنيا.. دنيه
من علاماتها تضحك على الناس ما قرت لأحد =يا نشامى ترى الدنيا مقيمه وحنا راحلين
الله يا كم زعيم روحت به وياكم مات منها =يرجعون الأهل والمال وأما العمل تحت الصلي

المشاركة الأصلية كتبت بواسطة السبيــــعي (المشاركة 674542) فلا دارت الدنيا وجاء من طرفك إهمال فحاجه ورى ظهور العرب لا تدورهـا القلوب السليمه ما تـورد علـى منبـع دنـاس بآتهيض مع الشعـار والزيـر والدنيـا دنيـه وأدري ان القلوب اللي على حق ما قرت لحـد والمعدات لا غنت على احدى النوايف راح لين يالبيب العقل لاتمشي الطرقه اللـي مـا تامنهـا والا شب القبس حتى يذوب الحصى تحت الصلي ما شاااء الله شعره السهل الممتنع مشكور يا ابو مشعاب على الاختيار الموفق .. الله يعطيــــك العافية والله ان كل قصايده اعجبنّي

المشاركة الأصلية كتبت بواسطة وافي الخماش (المشاركة 674547) أبو مشعاب دائماً يالذيب تأتي بالجديد والمميز تقبل اعجابي ..

المشاركة الأصلية كتبت بواسطة /عبد العزيز الجذع/ (المشاركة 674750) ما شاء الله عليه... ابداع.. صح لسانه... ولاهنت يابو مشعاب على النقل المميز...

المشاركة الأصلية كتبت بواسطة فيصل المسعودي (المشاركة 674856) ابو مشعاب بدون مجامله اقولها لك الله لا يحرمنا من ذائقتك الفذه تتميز بذائقة مميزه تدل على إنتقائك للشعر الجيد ومعرفتك له شكراً ياغالي تحياتي