من ضيقتي ما أخترت أبنظم على ويش = كلّي فنى .. ما باقي إلا الفكر عاش!
ضيقي نهش فالجسم بشويش بشويش=ويا الله عساها ضيقةٍ كنها افلاش
واليوم فأفكاري من الضيق تشويش=حاولت أداري وأتناسى لكن ماش
اليوم ما ينفع مع الضيق تطنيش=ولولا العرب وسلومها قلتها كاش
لا من فراق أمّ القرون العكاريش = ولا من مريضٍ طايحٍ وسط الإنعاش
ولا هوب همّ الفقر ومصارع العيش = ولا من مرض فيني لزم طيحة افراش
ليش الطعون من القرايب تجي ليش ؟=كنّ الطعون أبيار .. والعالم اعطاش !
لو تدمح الزلّه من أقرابك تعيش=في داخلك وتخلّي الفكر منداش
تلعب على نفسك سببها من الطيش=مع إنّها دمٍ عجز يوقفه شاش
ومع إنّها شوكٍ يكيد المناقيش=لو كلمة أصحاب الرخا مثل منقاش
المنطق المعسول ما يوكلك عيش=لا إحتجت للي قاله بشدّه إنحاش !
وقت الرخا في كلمته ( قايد الجيش ) = وفاللازمه ( راس لظبي ما به اعراش ) !!
لكن أبصبر وأكتم الضيق لوّ أيش=وأكتم جروحي لا يغنّي بها اللاش
لو إنّ ضيقي نشّف الريق أبعيش=الضيق ضيق القبر ولاّ هذا ماش !

المنطـق المعسـول مـا يوكلـك عيـش=لا إحتجت للـي قالـه بشـدّه إنحـاش !
وقت الرخا في كلمتـه ( قايـد الجيـش )=وفاللازمه ( راس لظبي ما به اعراش ) !!
لكن أبصبـر وأكتـم الضيـق لـوّ أيـش=وأكتـم جروحـي لا يغنّـي بهـا الـلاش
لـو إنّ ضيقـي نشّـف الريـق أبعيـش=الضيق ضيـق القبـر ولاّ هـذا مـاش !

ماجد صح لسانك يالقرم

ماصاغ هذه القصيدة الا

شاعر من الدرجة الاولى

سجل أعجابي وصادق تحياتي

المشاركة الأصلية كتبت بواسطة ابومشعاب (المشاركة 674290) المنطـق المعسـول مـا يوكلـك عيـش=لا إحتجت للـي قالـه بشـدّه إنحـاش ! وقت الرخا في كلمتـه ( قايـد الجيـش )=وفاللازمه ( راس لظبي ما به اعراش ) !! لكن أبصبـر وأكتـم الضيـق لـوّ أيـش=وأكتـم جروحـي لا يغنّـي بهـا الـلاش لـو إنّ ضيقـي نشّـف الريـق أبعيـش=الضيق ضيـق القبـر ولاّ هـذا مـاش ! الله الله الله الله على الابداااع الله على الجمال الله على القوه والجزاله .. المبدع ماجد بن هلال صح لسانك لين ترضى على الدره الثمينه .. تحيتي لك .. ...