الهيـــــــــــــلا *** منتدى قبيلة عتيبة - محاوره بين الشاعر مطلق رحمه الله والشاعر شليويح

بسم الله الرحمن الرحيم

هذه محاوره بين الشاعرين مطلق الثبيتي رحمه الله وشليويح المطيري

- مطلق:
شليويح المطيري مايبي الثقبه ولا الدمام
يبي قريه وقريه من جميع الناس محسوده
انا ابصبر على همه وغمه لين يقضي العام
وابا اذكيه جوف عريعره وادفنه في جوده

- شليويح:
انا خابرك تمشي لليمن واليوم تمشي شام
واثر نظرتك في وسط البلد ماهي بمحدوده
ليا حصلتني هاك القديمي واحتزم بحزام
اخاف ان القديمي في نحرك اليوم مردوده

- مطلق:
الا يازين زولك مير اثر جسمك بدون عظام
عروقك دمها ما سال والاعصاب معقوده
تريحنا وهدنا واسترحنا بعد ابو عرام
وحلينا المشاكل من كرم ربي ومن جوده

- شليويح:
اثرك الموتر اللي يصدم الركاب بالصدام
يبي يلعب على الركاب والغرضان مشدوده
اعرف الطلحه اللي كنت ترقد في ذرها العام
لكن العود الاشقر داخل في وسطه الدوده

مطلق:
الا ياطير ياللي من على درب المقبس حام
اثر سود المنايا ترفعه للشر وتقوده
ترى مانته يتيم ولا تعرض وزعة الايتام
حطاك الله جعود شقر بالقساط مكدوده

- شليويح:
اليا مني لقيت التاجر اللي مايغش الخام
يبا ياخذ فلوسه كلها نقدي ومعدوده
ترى خشم الهواويه يبيله يالفهيم ازمام
ولا يدحل ترى في خشم مهبوله ومقروده

- مطلق:
قناطرهم حديد من الجبيل ولحمت بلحام
ورمح يدخلونه مع طرفها ينكسر عوده

منقول