شفتها شوفة يتيم (ن ) شاب في سن الطفــوله = من أمه اللي في ثلاث سنين وافتها المنايا
ويوم حال الحول لأمه مات أبوه وحال حــوله = ويوم صار العمر خمس سنين بانت له خفايا
لا بقى طفل (ن ) صغير ولا بلغ سن الرجــوله = كافله جده لأبوه وعذبه عند الرعـايا
مالك(ن) جسم(ن) سليم ومالك نفس(ن)خجوله = والبلاء من سوء حظه جاثم(ن) بين الحنايا
والله أني مثل ذاك الطفل والصدمة مهـــوله = انصدمت وغيرت عندي تقاسيم الخلايا
صرت أفكر فالشباب وصرت أفكر فالكهـوله = وصرت أفكر كيف اعيش العمربأقل الخطايا
والله أني من رجال(ن) ما تهاب ومن حمــوله = بس قلبي مايطاوعني ولا طاع الــوصايا
كني اللي غير العنوان من دولــه لــدوله = أو معايد قريتين وضاع ما بين القــرايا
من عشير(ن) غاب عني والسفر يا طول طوله = لو أقول أني بأشوفه قبل أموت من الوهايا
كل ما شاهدت زول(ن) مثل زوله قلـت زوله = والبشر دائــم تشابه بالوصوف وبالتهايا
كل شيء (ن) في حياتي دائماً يـدور حـوله = وكل شيء(ن) لو يذكرني يزيد من الكوايا
جعل عين(ن) فرقتنا تنعـمي بأبسط سـهوله = ما تشاهد من عماها لا عيوب ولا مـزايا

أخوي مرزوقي حمدان العتيبي

الله يسعد أوقاتك بكل خير وسعادة

مرور تاج لي ولقصيدتي تحياتي لاهنت

ابو مشعاب مشكوور على المرور

لاهنت تقبل تحياتي وتقديري..

صح بدنك أخوي: السميري

مشكوووور على المرور

تقبل تحياتي لاهنت