هلا يامرحبا بالشاعر اللي فاز بالجولـه=
تعدى الاولـه والباقيـه جعلـه يعديهـا =
وانا اقول الحقيقه واضحه ماهي بمجهوله=
خليفة راعي الباكور ياخذهـا ويعطيهـا =

يدوم الك البقاء واللي تقوله كلٍ يقوله=
وانا قبلت ريمة مابقيلي غير اذكيها =
ذلولك يم الاد سليم مثنية ومعقولـه=
لكنك ردها يمي واعقلهـا واثنيهـا=

ترى بعض السوالف ياثبيتي غير مقبولـه=
يقولون الرهاء غرارلاترهـي وتخطيهـا =
انا اكمل هل الواجب واقول العلم واطولـه=
وان اونست الخطر قلي يجي للخيل راعيها =

مادام القلب مثل الحيد والذرعان مفتولـه=
مطانيخ العدا تلقى وسومي في علابيهـا =
بغيتك يازبن ترمي الهدف ولا تجي حوله=
وراحت نفعتك لسليم قاصيها ودانيهـا=

لياصار السواري في يمين الرجل وش هوله=
عصافيرالسدرراع السواري ليش يرميهـا =
هواتفنا عى لشان الجماعه شهـر مشغولـه=
ولكن الجماعـه شرهـا يسبـق حسانيهـا =

عصافير السدر فيها ثلاث اشكال مهبوله=
ولكني حلفت اني لااقرص روس اذانيها =
لو ان اللي تقوله صدق قام شعيل بحموله=
لكن شعيل طاح بحملته وانت السبب فيها =

ياقصر الدرب واللي مايعرف الدرب ياطوله=
يضيع مع الديار أن كان حاميهـا حراميهـا =
بعارين البدو فالصيف مشـدوده ومرحولـه=
وعـوج ارقابها لديـره اللـي ماندانيـهـا =

انا ماني بخابر مشكلة ماهي بمحلولـه=
ولن كبرت مشاكلك ازهم الاجواد تنهيها =

المشاركة الأصلية كتبت بواسطة /عبد العزيز الجذع/ (المشاركة 673563) محاورة رائعة... صحت السنتهم.. ولاهنت على النقل الموفق..

المشاركة الأصلية كتبت بواسطة الباااسل (المشاركة 673584) صح لسان المنصوري أشهد إنه شاعر معنى وتسلم على النقل ياوااافي

المشاركة الأصلية كتبت بواسطة ذيبان (المشاركة 673589) محاوره بين مبدعين من عتيبه صح السنتهم وبارك الله فيك