مرحبا يا شاعر جايب اسمن مستعار=والاسامي المستعاره نعرف اصحابها
الرجال اهل الوفاء صيتهم في كل دار=وانت اضنك لعبتن في يدي لعابها

بارك الله فيك ياجارنا ياعز جار=والاسامي تحت خطي كتبت اسبابها
كان انا لعبه فأنا ياعديم العرف نار=وانت ورعٍ تلحس النار من مشهابها

الحقيقه واضحه كنها شمس النهار=ماجهلنا صادق الناس من كذابها
انتبه يالاجودي ماعلي الدنيا قرار=الهروج العوج محدن يحسب حسابها

الحقيقه لو تيامن عن الدرب اليسار=كان سكين العرب ماتخون قرابها
لاتبابي في الخلا ثم اردك في شهار=برهن الحجه بحجه وفل كتابها

من يخفي اسمه ويكناه اثر مافيه خار=اثر بعض الناس مايختلف هندابها
انت مثل الصيده الي تعرض للحرار=واخرتها تاتعود عشاء مخلابها

اسمنا لو يختفي فعلنا فيه افتخار=يوم فعلك ماستر لحيتك واشنابها
وانت مثل الحايل الي عليها الوقت دار=ثم تعشتها ذيابٍ تحد انيابها