الليل واطياف الغلا والصبح الابلج والقصيد=ترسم ملامح خافقي في صفحة احساس الغروب
اعانداحزان الزمن واغازل النجم البعيد=واكتب دواويني على الامواج وانسام الهبوب
ياهيه ياللي شوفك وطاريك للولهان عيد=تركض لك خيول الفرح من كل فج وكل صوب
غلاك يعثى في شراييني ويجري ف الوريد=ياللي غرامك من صغر سني شربته كوب كوب
قيدت عيني ماتناظر في جمال الغيد قيد=وأسرت حرفي فيك نبض وشوق يالغض اللعوب
تعال فك اغلال حرفي ذوّب جبال الجليد=خلّ الجليد اللي كساني في دفا وصلك يذوب
واحكم على ماتشتهي يازين وافعل ماتريد=انت الامير وقلبي ونبضي واحاسيسي شعوب
إكشف حسابك شوف كم لك في فؤادي من رصيد=جاتك مقاليدالحشا يالعذب نهاب القلوب
يافل ياقطرة ندى ياضحكة الطفل الوليد=يارقّة ورود الهدا ياقسوة جبال الجنوب
سؤال ؟ ليه الناس ينقص حسنها وانته تزيد؟؟=يالابس الإحساس والحشمة وخف الدم ثوب

المشاركة الأصلية كتبت بواسطة شامان الاسعدي (المشاركة 671587) صح الساااااااااااااااااااااانك رائعه بارك الله فيك

المشاركة الأصلية كتبت بواسطة السميــــــري (المشاركة 671602) سؤال ؟ ليه الناس ينقص حسنها وانته تزيـد؟؟ يالابس الإحساس والحشمة وخـف الـدم ثـوب لله درك ياهلال .. بصراحة أذهلتني .. بهذه النادرة الفريدة .. مااقول إلا ذكر الله .. ! صح لسانك .. وتستحق التثبت

المشاركة الأصلية كتبت بواسطة /عبد العزيز الجذع/ (المشاركة 672230) قمة في الابدع... صح لسانك... ولاهنت يالسميري على التثبيت المستحق...

المشاركة الأصلية كتبت بواسطة الذيبان (المشاركة 672304) روعة صح السانكـ ورفع الله من شانك وكثر الله من امثالك وفالك المليووون........خخخخخخ بيض الله وجهكـ قصيدة جزلا وجزاك الله خير تقبل تحياتي