يافكـر ياللـي ضـاري بالخريمـه=تعال قدم لـي مـن الكيـف فنجـال
يافكـر مالـي بالخطـا والشتيـمـه=لكن جرتنـي لهـا بعـض الاشكـال
لـي هقـوةٍ فيهـا وعنـدي عزيمـه=كنت احسبنهـا فزعـةٍ تبهـج البـال
بس المصيبه خالـف السيـل ديمـه=اثـر المظاهـر غررتنـي والازوال
صحيـح للحيـه وقــار ٍ وقيـمـه=في وجه من له مع هل الطيب منـزال
علاقتـه مـع ديـن ربـه قويـمـه=ومصخر ٍ جهده على خيـر الاعمـال
نهـج الظميـر وسيرتـه مستقيـمـه=ولاطب في قلبه مـن الكبـر مثقـال
كريـم بخلاقـه وكـفـه كريـمـه=للجـار والعانـي وللضيـف هشـال
متغينـمٍ فعـل المـراجـل غنيـمـه=ولاينثني مـن ميلـة الوقـت لامـال
وان كشرت شهـب الليالـي صتيمـه=وان صملت يصمل وياقـف ويحتـال
ولا اللحـى تـرا بعضهـا جريمـه=جريمة ٍ لاجات فـي وجيـه الانـذال
كم واحـد لحيتـه صـوره وسيمـه=لكنه يقصـر عـن طليقيـن الافعـال
كبده على خطـلان الايـدي سقيمـه=وبخل وضعافة نفس واعراض واهمال
رجال فـي حـذف القفـا والنميمـه=ومجالـس الجهـال والقيـل والقـال
العـزم ثـاوي والروابـع عديـمـه=جرف قصيـرٍ كلمـا حِـرك انهـال
هذا انـت ياوجـه الفشـل والهزيمـه=واخذ الكلام المقرحاني وفـي الحـال
لاصار مافي الرجل غيـره وشيمـه=كلمـة رجُـل خسـارة ٍ فيـه تنقـال
وانشهد انـك عايشـه فـي ظليـمـه=يالحيةٍ مانتـي علـى وجـه رجـال

ذائقتنا

تجتهد لإرضاء ذائقتكم الفذه

شكراً لمرورك ياغالي

تحياتي

فعلاً شاعر

رائع وجزل

شكراً لمرورك الرائع ياغالي

تحياتي